२४ भदौ, कैलाली । धनगढीमा २१ वर्षीया युवतीमाथि सामूहिक बलात्कार गरेको आरोपमा प्रहरीले चारजनालाई पक्राउ गरेको छ ।
मंगलबार धनगढी उपमहानगरपालिका-४ स्थित डडेल्धुरा रेष्टुरेन्ट एण्ड बार नामको होटलमा चार जनाले आफूलाई बलात्कार गरेको भन्दै एक युवतीले प्रहरीमा उजुरी गरेकी थिइन् ।
आफूलाई चार जनाले होटलमा बोलाइ बलात्कार गरेको युवतीको आरोप छ । युवतीको उजुरीको आधारमा होटल संचालक कञ्चनपुर भिमदत्त नगरपालिका-९ का सन्जु पाल, डडेल्धुराको अमरगढी नगरपालिका-१ का हेमन्त दियाल, डडेल्धुराकै नवदुर्गा गाउँपालिका-२ का दिपक भट्ट र डडेल्धुराकै अजयमेरु गाउँपालिका-१ का २१ टंक धामीलाई पक्राउ गरिएको जिल्ला प्रहरी कार्यालय कैलालीका प्रबक्ता प्रहरी नायव उपरीक्षक प्रतीक बिष्टले बताए ।
