बागलुङ, फागुन २१ गते । जिल्ला कारागार बागलुङमा मतदान सम्पन्न भएको छ ।
अस्थायी मतदान केन्द्र रहेको कारागारमा ९६.३६ प्रतिशत मत खसेको छ । ५३ जना कैदीबन्दीमध्ये ५१ जना कैदीबन्दीले मतदान गरेको मतदान अधिकृत धिरेन्द्रराज पन्तले जानकारी दिए । उनले एकजना काठमाडौं स्थान्तरण भएको र १ जना भर्खरै कैदमुक्त भएको कारण ५१ जनाले कैदीबन्दीले मतदान गरेको बताए।
मतदान केन्द्रमा खटाइएका २ जना कर्मचारीले पनि सोही मतदान केन्द्रमा मतदान गरेका हुन्। पूरा मत नझरेको कारण मत पेटिका शिलको कार्यक्रम ५ बजे मात्रै हुने मतदान अधिकृत पन्तले बताए ।
‘यहाँ रहेका ५१ जना कैदीबन्दी र खटाइएको २ जना कर्मचारी गरी ५३ जनाले मतदान गरिसकिएको छ,’मतदान अधिकृत पन्तले भने,’जम्मा मतदाता कैदीबन्दी ५३ रहेपनि १ जना कैदमुक्त भएको र एक जना काठमाडौं स्थान्तरण भएको हुनुभएकोले उहाँहरु मतदान गर्न आउँनु हुँदैन । ‘
