बागलुङ, २१ चैत । बागलुङमा जीप दुर्घटना हुँदा एक जनाको मृत्यु भएको छ भने तीन जना घाईते भएका छन् ।
बिहिबार विहान बागलुङको गलकोट नगरपालिका वडा नम्बर ३ हटियादेखि कोट मैदान तर्फ जाँदै गरेको ग १ ज ६१०० नम्बरको जीप खसगाउँमा दुर्घटना हुँदा गलकोट नगरपालिका वडा नं. ११ का विष्णु रानाको मृत्यु भएको जिल्ला प्रहरी कार्यालय बागलुङका प्रहरी नायव उपरीक्ष (डिएसपि) बिजय यादवले जानकारी दिनुभयो । दुर्घटनामा गम्भिर घाईते भएका रानालाई गलकोट नगर अस्पतालका चिकित्सकले मृत्त घोषणा गरेका हुन् ।
यस्तै दुर्घटनामा परी गलकोट नगरपालिका वडा नं. ५ सर्दाखेतका २२ बर्षीय राजन विक, वडा नं. ४ डाँडाखेतका १९ वर्षीय रमेश सुनार र वडा नम्बर ३ बोहरा फाँटका १९ वर्षीय अशोक बोहोरा घाईतेको जिप्रका बागलुङका डिएसपि यादवले जानकारी दिनुभयो । घाईतेहरुको गलकोट नगर अस्पतालमा उपचार भइरहेको छ ।
जीप सडकदेखि एक सय मिटर तल खसेको छ ।
