बागलुङ, २२ पौष । नेपाल रेडक्रस सोसाइटी पाला उपशाखाको सभापतिमा गेरे वि.क. चयन हुनुभएको छ ।
सोमबार सम्पन्न पाला उपशाखाको चौथो अधिवेशनले विकको सभापतित्वमा १३ सदस्य नयाँ समिति चयन गरेको हो । समितिको उपसभापतिमा भद्र कुमारी खत्री, सचिवमा महेन्द्र बहादुर कार्की, उपसचिवमा टिका बहादुर थापा, कोषाध्यक्षमा टिकाराम शर्मा रर उपकोषाध्यक्षमा शारदादेवि शर्मा चयन हुनुभएको छ ।
यस्तै सदस्यहरुमा टिकाराम थापा, लिलाधर शर्मा, प्रेम बहादुर कार्की, राम बहादुर खड्का र जय बहादुर कार्की सर्वसम्मत चयन हुनुभएको छभने पदेन सदस्यमा निवर्तमान सभापति फलिन्द्रप्रसाद गोतामे र जनप्रतिनिधि खडक बहादुर थापा चयन हुनुभएको छ ।
नेपाल रेडक्रस सोसाइटी पाला उपशाखाका सपभाति फलिन्द्रप्रसाद गोतामेको अध्यक्षतामा सम्पन्न अधिवेशनको उद्घाटनसत्रमा काठेखोला गाउँपालिका वडा नम्बर १ पालाका वडाअध्यष खड्क बहादुर थापा, नेपाल रेडक्रस सोसाइटी बागलुङका कोषाध्यक्ष जीवननाथ शर्मा र सदस्य तेजेन्द्र आचार्यले मन्तव्य व्यक्त गनुएभएको थियो । महेन्द्र बहादुर कार्कीको संचालनमा सम्पन्न अधिवेशनमा टिकाराम शर्माले स्वागत मन्तव्य व्यक्त गर्नुभएको थियो ।
