म्याग्दी, १० पौष । गणेश पोवीसरा स्मृति कोषद्वारा सञ्चालित छात्र भलिबल खेलको फाइनल समीकरण पूरा भएको छ ।
आज सम्पन्न भएको खेलमा दीपशिखा माध्यमिक विद्यालय (निलो) र मंगला माध्यमिक विद्यालय बाबियाचौर फाइनल प्रवेश गरेका हुन् ।
आजै सम्पन्न भएको पहिलो सेमीफाइनल खेलमा दीपशिखा माभ्यमिक विद्यालय (निलो)ले त्रिभुवन मंगला माध्यमिक विद्यालय र्यालेखोरलाई २—० को सेटमा पराजित गर्दै फाइनल प्रवेश गरेको हो भने दोस्रो सेमीफाइनल खेलमा मंगला माध्यमिक विद्यालय बाबियाचौरले महेन्द्ररत्न माध्यमिक विद्यालय बरङ्जालाई २—० को सेटमा पराजित गर्दै फाइनल प्रवेश गर्न सफल भएको हो ।
फाइनल खेल १३ गते बिहान १० बजे हुने आयोजक विद्यालयले जनाएको छ ।
दीपशिखा माध्यमिक विद्यालयको ३२ औँ अभिभावक दिवस तथा ६४ औँ वार्षिकोत्सबको अवसरमा गणेश पोविसरा स्मृति कोषले हरेक वर्ष पालिका स्तरीय छात्रछात्रा भलिबल प्रतियोगिता गर्दै आएको विद्यालयका प्रधानाध्यापक नन्दबहादुर खत्रीले बताउँनुभयो । त्यस्तै पालिकामा सर्वोत्कृष्ट हुने विद्यार्थीलाई सम्मान, दीपशिखा माध्यमिक विद्यालयका गरिब तथा जेहेन्दार विद्यार्थीहरुलाई सम्मान जस्ता कार्यक्रमहरु पनि गर्दै आएको खत्रीले जानकारी दिनुभयो ।
