बागलुङ, २९ चैत्र । नेकपा एमालेका उपाध्यक्ष विष्णु पौडेलले नेपाली काँग्रेसले वर्तमान समिरकरणलाई विगारेर सरकारमा आउनको लागि संसदीय छानविन समितिको माग गरेको बताएका छन् । नेकपा एमाले बागलुङको दशौं जिल्ला अधिवेशनको बिहिबार उद्घाटन गर्दै उपाध्यक्ष पौडेलले वर्तमान सरकार गिराउनको लागि नेपाली काँग्रेसले गृहमन्त्री रवि लामिछानेको विषयमा अनुसन्धान गर्न संसदिय छानविन समिति बनाउनुपर्ने माग गरिरहेको आरोप लगाए ।
उपाध्यक्ष पौडेलले गृहमन्त्रीको विषयमा अनुसन्धान गर्न संसदिय छानविन समिति बन्छ भन्नु भ्रम मात्रै भएको बताउँदै सहकारी ठगिका विषयमा राज्यका निकायहरुले अनुसन्धान गरिरहेकाले अहिलेनै संसदिय छानविन समिति आवश्यक नरहेको बताए । ‘राज्यका निकायहरुले सहकारी ठगिका विषयमा अनुसन्धान गरिरहेका छन्,’ पौडेलले भने,‘छानविन नगर्ने भन्ने होइन, सत्ताबाट प्रतिपक्षमा पुगेको काँग्रेसको नियत ठिक छैन्,उसले सत्ता समिकरण विगार्नको लागि मात्रै यो माग गरिरहेको छ ।’ काँग्रेस संसदको समय दुरुपयोगको काममा मात्रै तल्लिन भएको पौडेलको भनाई छ ।
वर्तमान सरकार र सत्ता समिकरण लामो सयम टिक्ने भन्दै पौडेलले अहिलेको समिकरण बिगार्न लागेकाहरु प्रति एमाले सचेत रहेको बताए । उनले कम्युनिष्ट फुटालेर राज गर्न खोज्ने कांग्रेसको पालो अव सकिएको जिकीर गरे । कम्युनिष्ट शक्तिहरुका बीचमा समिकरण बन्दा जनतामा आशा पलाएको भन्दै पौडेलले यो सरकारले जनताका काम गर्ने बताए ।
उपाध्यक्ष पौडेलले वर्तमान सरकार अग्रगामी सरकार भएको बताए । उनले वर्तमान सरकार टिकाउन नदिन विभिन्न षड्यन्त्रहरु भइरहेको बताउँदै एमालेले वर्तमान सरकारलाई २०८४ को निर्वाचनसम्म लैजाने बताए । देशको विकास र समृद्धिको लागि र आम नागरिकको भविष्य राम्रो बनाउनको लागि एमाले शक्तिशाली हुनुपर्ने उपाध्यक्ष पौडेलको भनाई छ । ‘एमाले बलियो नभएमा देश कमजोर हुन्छ,’ उपाध्यक्ष पौडेलले भने,‘देशको विकास, समृद्धि र नागरिकको भविष्य राम्रो बनाउनको लागि एमाले शक्तिशाली हुनुपर्छ । त्यसको लागि सवै नेताकार्यकर्ताहरु एक जुट भएर लाग्नुपर्छ ।’
उद्घाटन सत्रमा नेकपा एमालेका उपमहासचिव पृथ्वी सुब्बा गुरुङ, सचिव गोकर्ण विष्टु, पोलिटव्युरो सदस्य तथा बागलुङ जिल्ला इन्चार्ज जगत विश्वकर्मा र स्थायी कमिटी सदस्य तथा गण्डकी प्रदेशका मुख्यमन्त्री खगराज अधिकारीले देशको विकासको लागि एमालेलाई शसक्त गराउन सम्पूर्ण लाग्नुपर्ने बताएका थिए । उनीहरुले २०८४ लाई एमालेले मिसनको रुपमा लिएको बताउँदै अहिले एमालेको पक्षमा जनलहर आइरहेको बताए ।
https://www.facebook.com/Baglungkhabarnewss/posts/pfbid0W1W44skFPT8jNK4WZ72fQuyu88Uqbkv7pzMu3iKnuwqT75J5oUQZonaNE9YWy7F1l?__cft__[0]=AZVa5qXRBNMak6uixmmJTz_m3vLR_ixQUceVJv7SBW6bMgeAvQtlF0df9AvISteD_TCx6p9MrBVvCcrupiNdNb44zflKjrURXMMgylW2DOZOmExlT178euH2V22mERLfUcv1-N794j-wZQraLJeqoaRCYmZtoxgicKisOPvrnwTV6tQIKUSEd3n6xW4Khux6waw&__tn__=%2CO%2CP-R
