काठमाडौं, ११ अशोज । मंगलबार साँझ दशरथ रंगशालामा भएको नेपाल र बंगलादेशबीचको मैत्रीपूर्ण खेलमा नेपालले अन्जन विष्टको ह्याट्रिकमा बंगलादेशविरुद्ध सहज जित निकालेको छ। बलियो मानिएको बंगलादेशविरुद्धको खेलमा नेपालले सहज जित निकालेको हो।
त्रिपुरेश्वरस्थित दशरथ रंगशालामा भएको खेलमा नेपालले बंगलादेशलाई ३-१ गोल अन्तरले हराएको हो। नेपालको जितमा अन्जन विष्टले ह्याट्रिक गरेका छन्।
उनी मोस्ट भ्यालुएबल प्लेयर पनि घोषित भएका छन्। यस्तै नेपालविरुद्ध बंगलादेशका सजाद होसेनले एक गोल फर्काएका थिए।
