आजदेखि हामी पाँचौ वर्षमा प्रवेश गरेका छौं । प्रमाणमा आधारित पत्रकारिता र सामाजिक न्यायप्रति समर्पित हाम्रो अनलाइन पोर्टल बागलुङखबरडटकम (www.baglungkhabar.com) आज चौथो वर्ष पूरा गरी पाँचौ वर्षमा प्रवेश गरेको छ । यो हाम्रो लागि ठूलो गर्वको कुरा हो र यस यात्रामा तपाईंको अमूल्य साथ र समर्थनका कारण आज हामी यहाँसम्म आइपुगेका छौं । बागलुङ मिडिया हाउस प्रा.लि. द्वारा सञ्चालित अनलाईन पाँचौ वर्षमा प्रवेश गरेको उपलक्ष्यमा तमाम पाठक, लेखक, सहकर्मी, विज्ञापनदाता र शुभचिन्तकहरु प्रति हार्दिक कृतज्ञता व्यक्त गर्दछौं ।
हामी सधैं ‘व्यक्ति होइन, प्रमाण प्रमुख हो’ भन्ने मूल मान्यतालाई अँगाल्दै क्रियाशील भएका छौं र भविष्यमा पनि यसैको आधारमा तपाईंलाई सत्य र निष्पक्ष समाचार, विचार र तथ्य प्रस्तुत गर्ने प्रतिबद्धता पनि व्यक्त गर्दछौं । हाम्रो मुख्य उद्देश्य भनेको केवल समाचारको प्रसार मात्र होइन, समाजमा सामाजिक न्याय र उत्तरदायित्वको चेतना फैलाउनु पनि हो । हामी विश्वास गर्छौं कि सही प्रमाण र निष्पक्ष दृष्टिकोणले समाजमा सकारात्मक परिवर्तन ल्याउन सक्छ र यसका लागि हामी सधैं काम गर्दै जानेछौं ।
चार वर्षको अवधिमा हामीले बागलुङ र वरपरका घटनाक्रमलाई गहिरो र विस्तृत दृष्टिकोणबाट प्रस्तुत गर्न कोशिस गरेका छौं । हाम्रा पाठकहरूका प्रतिक्रियाले हामीलाई प्रोत्साहित र मार्गदर्शन गरेको छ, जसले गर्दा हामी अझ प्रभावकारी र सटीक पत्रकारिता गर्न सक्षम भएका छौं । हामी भविष्यमा अझ उच्चतम स्तरमा पत्रकारिता गर्ने, प्रमाणमा आधारित समाचार प्रस्तुत गर्ने र सामाजिक न्यायको पक्षमा आफ्नो कर्तव्य निर्वाह गर्नेमा प्रतिबद्ध छौं।
आजको यो अवसरमा, बागलुङखबरडटकम (www.baglungkhabar.com)को सम्पूर्ण टिमको तर्फबाट तपाईंहरुलाई हार्दिक आभार व्यक्त गर्दछौं । हामी तपाईंलाई आगामी वर्षहरूमा अझ सशक्त र प्रामाणित सामग्रीका साथ सुसूचित गर्नेमा प्रतिज्ञाबद्ध छौं ।
तपाईंको साथ र विश्वास नै हाम्रो सशक्त प्रेरणा हो ।
