बागलुङ, ४ मंसिर । ग्रेस इन्टरनेसनल बागलुङले एडुभर्स (२०२४) नामक शैक्षिक मेला गर्ने भएको छ ।
ग्रेस बागलुङले सोमबार पत्रकार सम्मेलन गरेर आगामी मंसिर ५ गते ९बुधबार० मेलाको आयोजना गर्न लागिएको जनाएको छ । ग्रेस बागलुङका निर्देशक ओमकार पौडेलले मेलामा आउने विद्यार्थीहरूलाई कक्षामा विशेष छुटको व्यवस्था गरिएको बताए ।
ग्रेस इन्टरनेसनलले देशका विभिन्न शहरमा एडुभर्स शैक्षिक मेला गर्न लागेको हो । मेलामा अस्ट्रेलिया, क्यानडा, न्यूजिल्यान्ड, युके, अमेरिका, साउथ कोरिया, जापान लगायतका विभिन्न विश्वबिद्यालयका प्रतिनिधिहरूले विद्यार्थीहरूसँग प्रत्यक्ष भेटघाट र परामर्श गर्ने पौडेलले जानकारी दिए । मेलामा विद्यार्थीहरूले १५ भन्दा बढी शैक्षिक संस्थाका प्रतिनिधिसँग प्रत्यक्ष वैदेशिक अध्ययन सम्बन्धी समग्र जानकारी लिन पाउने छन् ।
स्पट एड्मिसन अधिकतम छात्रवृति र अन्य विशेष अवसर प्राप्त गर्न सक्ने उनले बताए । जसले गर्दा उनीहरूको वैदेशिक अध्ययन प्रक्रियालाई सहज बनाउन महत्वपूर्ण भूमिका खेल्ने पौडेलले बताए । मेलाबाट अध्ययन गन्तव्य छान्न विद्यार्थीलाई सहज हुनुका साथै गइसकेपछिका चुनौती र अवसरका बारेमा पनि परामर्श गराइने ग्रेस इन्टरनेसनलले जनाएको छ ।
