बागलुङ, १७ चैत्र । बागलुङमा नेपाली खाना पकाउने तालिम आजदेखि सुरु भएको छ । एकीकृत सेवा कार्यालय बागलुङको आयोजनामा १५ दिने नेपाली खाना पकाउने तालिम आजदेखि सुरु भएको हो ।
तालिमको उद्घाटन बागलुङ नगरपालिकाका नगर उपप्रमुख राजु खड्काले गर्नुभएको थियो । उद्घाटनपछि बोल्दै खड्काले तालिमबाट रोजगारी पनि मिल्ने बताउँदै सबैलाई तालिममा सहभागी हुन अनुरोध गर्नुभयो ।
कार्यक्रममा होटल व्यवसायी अर्जुन चोखाल र सहभागीको तर्फबाट सुमित बोहोराले शुभकामना मन्तव्य राखेका थिए ।
कार्यक्रमको एकीकृत कार्यालयका सहायक प्रमुख शिव प्रसाद शर्माको अध्यक्षता, कार्यालयका सूचना अधिकारी विष्णुनाथ शर्माको स्वागत र कम्युटर अधिकृत श्याम थापा मगरको सञ्चालनमा सम्पन्न भनेको थियो ।
तालिम १५ दिन सम्म सञ्चालन हुने छ भने २० जनाको सहभागिता हुने एकीकृत कार्यालय बागलुङका प्रमुख शिव प्रसाद शर्माले जानकारी दिनुभयो ।
