सुजन रेग्मी
बागलुङ, १४ फागुन । बागलुङमा ऐतिहासिक चैत्राष्टमी मेला चैतमा हुने भएको छ ।
“गन्तव्य बागलुङ कालिका स्थानीय उत्पादनको प्रवर्धन: कला संस्कृति र समृद्धिको आधार धार्मिक पर्यटन” भन्ने मूल नाराका साथ आगामी चैत १० गतेदेखि १४ गतेसम्म हुने कालिका भगवती गुठी व्यवस्थापन समितिले जनाएको छ ।
चैत्राष्टमी मेलामा कालिका कप खुल्ला पालिका स्तरीय पुरुष तथा महिला भलिबल प्रतियोगिता हुने भएको छ । कालिका कप खुल्ला पालिका स्तरीय पुरुष तथा महिला भलिबल प्रतियोगिता हुने समितिका अध्यक्ष भुपेन्द्र खड्काले बताउँनुभयो ।
पुरुष भलिबलको विजेतालाई नगद ३ लाख, द्वितीय हुनेलाई नगद १ लाख पचाँस हजार, सेमिफाइनल, उपविजेता समूहलाई नगद ५० हजार र उत्कृष्ट खेलाडीलाई नगद ५ हजार प्रदान गरिने अध्यक्ष खड्काले जानकारी दिनुभयो ।
यस्तै महिला भलिवलको विजेतालाई नगद १ लाख द्वितीय हुनेलाई नगद ५० हजार, सेमिफाइनल उपविजेता समुहलाई नगद १० हजार सहित र उत्कृष्ट खेलाडिलाई नगद ५ हजार प्रदान गरिने खड्काले बताउनुभयो ।
यस्तै चैते दशैको अवसरमा छेलो प्रतियोगिता, राष्ट्रिय लोक दोहोरी गीत प्रतियोगिता, राष्ट्रिय तथा स्थानीय कलाकारहरूको प्रस्तुति रहने आयोजकले जनाएको छ ।
प्रतियोगिता बाल उद्यानमा हुने समितिले जनाएको छ ।
