८ भदौ, बागलुङ । बागलुङ नगर क्षेत्रमा जारी निषेधाज्ञा भदौ १५ गतेसम्मलाई थप गरिएको छ । जिल्ला संकट व्यवस्थापन केन्द्र (डिसिसिएमसी)को सोमबार बसेको बैठकले निषेधाज्ञालाई भदौ १५ गते राती १२ बजेसम्म लम्बाउने निर्णय गरेको हो ।
समुदायस्तरमा संक्रमितहरुको संख्या बढिरहेकोले निषेधाज्ञालाई थप कडाई गर्दै थप १५ गते राती १२ बजेसम्म थप्ने निर्णय गरेको प्रमुख जिल्ला अधिकारी सुरेश न्यौपानेले जानकारी दिनुभयो । उहाँले निषेधाज्ञालाई थप कडाई गर्दै समय थप गरिएको बताउनुभयो ।
बागलुङ बजारमा समुदायस्तरमा संक्रमितहरु देखिन थालेपछि बागलुङ नगरपालिकामा भदौ २ गते जिल्ला संकट व्यवस्थापन समितिलाई निषेधाज्ञा गर्न सिफारिस गरेपछि समितिले २ गते राती १२ बजेदेखि भदौ ९ गते राती १२ बजेसम्म निषेधाज्ञा गरेको थियो ।
समितिले बन्दाबन्दीको मोडालिटी केहि परिवर्तन हुने भएको छ । समितिले १५ गतेसम्म नै बैंक तथा वित्तियहरु पूर्ण रुपमा बन्द गर्ने र अत्यावश्यक पसलहरु दिनको एक पटक सम्म खुल्ला गर्ने निर्णय गरेको छ ।
यसअगाडी विहान र बेलुका खुल्ला हुँदै आएका अत्यावश्यक पसलहरु अब विहान ७ बजेदेखि ९ बजेसम्म खुल्ला गरिने निर्णय गरेको छ ।
