१ भदौ, जनकपुरधाम । प्रदेश २ मा थप २ सय ११ जनामा कोरोना संक्रमण पुष्टि भएको छ ।
यससँगै यस प्रदेशमा संक्रमितको संख्या ७ हजार नाघेको छ । देशको विभिन्न प्रयोगशालामा गरीएको परीक्षणमा २ सय ११ जनाको रिपोर्ट पोजेटिभ आएको स्वास्थ्य निर्देशनालय प्रदेश २ का वरिष्ठ जनस्वास्थ्य प्रशासक विजय झाले जानकारी दिए ।
आज बारामा सबैभन्दा बढी १ सय ६ जनामा कोरोना संक्रमण पुष्टि भएको हो। त्यस्तै पर्सामा २७, रौतहटमा १९, सर्लाहीमा १८, धनुषामा १७, महोत्तरीमा १४, सप्तरीमा ६ र सिरहामा ४ जनामा कोरोना संक्रमण पुष्टि भएको हो ।
बाराको कलैया उपमहानगरपालिकामा ४ जना, नीजगढ नगरपालिकामा १, ईलाका प्रहरी कार्यालय निजगढमा १, एपिएफ नीजगढमा २, जीतपुर सिमरामा २, महागढीमाई नगरपालिकामा १, स्वास्थ्य शाखा बारामा २९ र ठाउँ नखुलेको स्थानका ६७ जनामा कोरोना संक्रमण पुष्टि भएको छ।
पर्साको वीरगंजमा १८ जना, वीरगंज भंसारमा २, सखुवा प्रसौनी गाउँपालिकामा ३ र ठाउँ नखुलेको स्थानका ४ जनामा संक्रमण पुष्टि भएको हो । रौतहटको कटहरिया नगरपालिकामा १, गरुडा नगरपालिकामा १, गौर नगरपालिकामा १, राजदेवि नगरपालिकामा ३ र ठाउँ नखुलेको स्थानका १३ जनामा संक्रमण पुष्टि भएको हो ।
त्यस्तै सर्लाहीको लालबन्दी नगरपालिकाका २, लालबन्दी घर भई प्रादेशिक अस्पतालमा रहेका १, खानेपानी तथा सरसफाई डिभिजन मलङ्गवाका १, बरहथवा नगरपालिकाका ११, हरिपुर नगरपालिकाका १ र ठाउँ नखुलेको स्थानका २ जनामा संक्रमण पुष्टि भएको हो ।
धनुषाको जनकपुरधाममा ५, आनन्दनगरमा १, जनकपुर ओपिडिमा १, धनुषा घर भई हाल काठमाडौँ रहेका १, धनौजी गाउँपालिकाका २, मिथिला नगरपालिकाका ४, जिल्ला अदालत धनुषाका १ र जनकपुरधामको गोपाल धर्मशालाको क्वारेन्टिनमा रहेका २ जनामा कोरोना संक्रमण पुष्टि भएको हो ।
त्यस्तै महोत्तरीको जलेश्वर नगरपालिकामा ४, बर्दिबाँस नगरपालिकामा ७, पिपरामा १, परौलमा १ र ठाउँ नखुलेको स्थानका १ जनामा संक्रमण पुष्टि भएको छ । सप्तरीको राजविराज नगरपालिकामा १ र छिन्नमस्ता गाउँपालिकामा ५ जनामा कोरोना संक्रमण पुष्टि भएको हो । सिरहाको विष्णुपुर गाउँपालिकामा १, मिर्चैया नगरपालिकामा १ र जिल्ला अस्पतालमा २ जनामा संक्रमण पुष्टि भएको स्वास्थ्य निर्देशनालय प्रदेश २ ले जनाएको छ ।
कोरोना संक्रमणबाट आज यस प्रदेशमा २ जनाको मृत्यु भएको छ । रौतहटको गौर नगरपालिका वडा नं. २ का ३२ वर्षीय र धनुषाको धनौजी गाउँपालिका वडा नं. ६५ का एक पुरुषको कोरोना संक्रमणबाट मृत्यु भएको हो ।
यस सँगै यस प्रदेशमा मृत्यु हुनेको संख्या ४७ पुगेको छ । पर्सामा २१, धनुषामा ९, बारामा ६, रौतहट र सप्तरीमा ३/३, महोत्तरी र सिरहामा २/२ र सर्लाहीमा १ जनाको कोरोनाबाट मृत्यु भएको छ ।
