काठमाडौं, १३ चैत्र । आयरल्यान्ड ‘ए’ विरुद्धको खेलमा नेपाल ७१ रनले विजयी भएको छ। योसँगै नेपालले आयरल्यान्ड ए सँग दुबै खेलको टी२० सिरिज पनि जितेको छ ।
नेपालका लागि कुशल मल्ल र सोमपाल कामीले ३।३ विकेट, करण केसी, कुशल भुर्तेल र विवेक यादवले १।१ विकेट लिएका हुन्।
आयरल्यान्डका स्टीफन डोहेनीले सर्वाधिक २६ रन बनाएका थिए।
नेपालले निर्धारित २० ओभरमा ७ विकेटको क्षतिमा १९८ रन बनाएको थियो। नेपालका लागि गुलशन झाले सर्वाधिक ४६ रन, कुशल मल्लले ३४ रन, कप्तान रोहित पौडेलले ३३ रन, कुशल भुर्तेलले २५ रन, अनिल शाहले १२ रन, आशिफ शेखले ११ रन, सन्दीप जोराले २१ र विवेक यादव ७ रनको योगदान गरे। जोरा अन्तिम बलमा क्याच आउट भएका थिए।
आयरल्यान्ड ‘ए’का लागि म्याथ्यु फोस्टरले ३ विकेट, बेन व्हाइटले २ विकेट, ग्याभिन होए र फिओन ह्यान्डले १र१ विकेट लिए।
सोमबार भएको खेलमा ६ विकेटले नेपाल विजयी भएको थियो। आयरल्यान्डसँगको शृंखलापछि नेपालले बरोडा र गुजरात क्रिकेट संघको टोलीसँग मार्च ३१ देखि अप्रिल ७ सम्म एसएमएस फ्रेन्डसिप कपमा प्रतिस्पर्धा गर्नेछ।
