चितवन, ७ असार। पूर्वपश्चिम राजमार्गअन्तर्गत चितवनको राप्ती नगरपालिका–३ डडुवा भन्ने स्थानमा प्रदेश १–०१–००१ ख ३५८३ नब्बरको बस र बागमती प्रदेश ०३–००१ ज २९९ नम्बरको इभी माइक्रो दुर्घटना हुँदा ७ जनाको मृत्यु भएको छ । दुर्घटनामा १८ जना घाइते भएका छन् ।
धनगढीबाट काँकडभिट्टातर्फ जाँदै गरेको बसले लोथरबाट भरतपुरतर्फ आउँदै गरेको माइक्रकोलाई ठक्कर दिएको थियो ।
प्रहरीका अनुसार मकवानपुर–३ का सोम प्रसाद रुपाखेती, मकवानपुर हेटौंडा–५ का मैंया कुमारी न्यौपाने पहाडी र नाम नखुलेको ३ जना महिला, २ पुरुषको मृत्यु भएको हो। उनीहरुलाई उपचारका लागि भरतपुर अस्पताल र पुरानो मेडिकल कलेज भरतपुरमा लगेपनि मृत्यु भएको हो।
घाइतेहरुको भरतपुर अस्पताल, पुरानो मेडिकल कलेज र चितवन मेडिकल कलेजमा उपचार भइरहेको छ ।
