एजेन्सी । डिप्रेसन हुँदा कुनै पनि व्यक्तिकोे भावना वा सोचमा नकारात्मता हावी हुन्छ । यो जुनसुकै उमेरका समूहमा पनि हुन सक्छ ।
डिप्रेसन भएका बालबालिकामा निरास हुने, काममा जाँगर नदेखाउने , पढ्न नमान्ने, खेल्न र डुल्न नमान्ने, ध्यान केन्द्रित गर्न नसक्ने, निस्क्रिय हुनेजस्ता लक्षण देखिन्छन् ।
त्यस्तै, खाना र निद्रामा समस्या देखिन्छन् । लामो समयसम्म टाउको दुख्ने, पेट दुख्ने हुन्छ ।तर स्वास्थ्यजाँच गर्दा कुनै समस्या देखिँदैन । डिप्रेसनका कारण बालबालिका रिसाएजस्तो देखिने, झर्किने, भनेको नमान्ने, झगडा गर्ने, आक्रामक हुने, जिद्धी गर्ने हुन्छन् ।
उपचार
रोगको अवस्थाअनुसार मानसिक समस्याको उपचार गरिन्छ । अधिकाशं बालबालिकालाई औषधीबाट उपचार गर्न गाह्रो हुने हुँदा रोगको कारण पत्ता लगाएर समाधान गर्नुपर्ने हुन्छ ।
कडा खालको समस्या देखिएमा औषधीको माध्यमबाट उपचार गर्न सकिन्छ । विभिन्न थेरापी पनि प्रयोगमा ल्याउन सकिन्छ । यसको लागि मनोचिकित्सकसँग परामर्श गर्नु उत्तम हुन्छ ।