अर्जुन कार्की ।
बागलुङ बागलुङमा जारी गण्डकी प्रदेश स्तरीय ‘बागलुङ कप’ टी२० क्रिकेट प्रतियोगिताको सेमिफाइनल समिकरण पुरा भएको छ ।
बिहिबार समुह चरणका अन्तिम खेलमा जित निकाल्दै समुह ए बाट कास्की र समुह वि बाट नवलपुर समुह विजेताको रुपमा अन्तिम ४ मा प्रवेश गरेका छन् । समुह ए को अन्तिम खेलमा आयोजक बागलुङ जिल्ला क्रिकेट संघलाई ९ विकेटले पराजित गर्दै कास्की जिल्ला क्रिकेट संघ समुह विजेताको रुपमा अन्तिम ४ मा पुगेको हो ।
४४ रनको सामान्य विजयी लक्ष्य पछ्याएको कास्कीले ५.२ ओभरमा १ विकेट गुमाएर पुरा गर्यो । कास्कीको लागि किरण पौडेलले २८ रनको अविजित इनिङ खेले । बागलुङको लागि अस्विन थापाले १ विकेट लिए । त्यसअघि बाङ्गेचौर खेल मैदानमा टस जितेर पहिला ब्याटिङ गरेको बागलुङले ११.३ ओभरमा ४४ रनमा अलआउट भयो । बागलुङको लागि सन्देश खड्काले ८ रन, विश्व कार्की र लक्की सापकोटाले ६–६ रन बताए । बागलुङका पाँच जना खेलाडीले खाता समेत खोल्न सकेनन् ।
बागलुङलाई सस्तैमा समेटन् कास्कीका कप्तान विपिन खत्रीले ३.३ ओभार ८ रन खर्चेर ५ विकेट लिए । कृष्ण पौडेलले ३ विकेट लिए । कास्कीको जितसँगै पर्वत जिल्ला क्रिकेट संघ समुह उपविजेताको रुपमा सेमिफाइनलमा प्रवेश गरेको छ । पहिले खेलमा बागलुङलाई हराएको पर्वतले दोस्रो खेलमा कास्कीसँग पराजित व्यहोरेको थियो । आयोजक टिम बागलुङले खाता नखोली प्रतियोगिताबाट बाहिरिएको छ ।
यस्तै समुह वि बाट नवलपुर समुह विजेताको रुपमा सेमिफाइनलमा प्रवेश गरेको छ । बिहिबार स्याङ्जालाई ४ विकेटले हराउँदै नवलपुर समुह विजेता बनेको हो । १ सय ५ रनको विजयी लक्ष्य पछ्याएको नवलपुरले १६.२ ओभरमा ६ विकेट गुमाएर पुरा पुरा गर्यो । नवलपुरको लागि ओपनर गोविन्द विकले ३८ बलमा ५० रनको अर्धशतकीय इनिङ खेले ।
स्याङ्जाको लागि सन्दिप खत्रीले ३ र आश्विनी रानाले २ विकेट लिए । टस जितेर पहिले व्याटिङ गरेको स्याङ्जाले २० ओभरमा ९ विकेट गुमाएर १ सय ४ रन बनाएको थियो । स्याङ्जाको लागि करण पंगेनीले २२ रन र अंकित न्यौपानेले १६ रन बनाए । नवलपुरको लागि सुदिप अर्याल, कुमार राना र अपरजित पौडेलले २–२ विकटे लिए । पराजित स्याङ्जा समुह उपविजेता बन्दै सेमिफाइनलमा प्रवेश गरेको छ ।
बागलुङ जिल्ला क्रिकेट संघले आयोजना गरेको प्रतियोगिता अन्तरगत शुक्रबार सेमिफाइनलका खेल हुनेछन् । पहिलो सेमिफाइनलमा समुह ए को विजेता कास्की र समुह वि को उपविजेता स्याङ्जा विच हुनेछभने दोस्रो खेल समुह वि को विजेता नवलपुर र समुह ए को उपविजेता पर्वत विच हुने बागलुङ जिल्ला क्रिकेट संघका सदस्य एवं प्रतियोगिताका मिडिया फोकलपर्सन अभिषेक कटुवालले बताए ।
