बागलुङ, २३ भदौ । विश्व प्राथमिक उपचार दिवसको अवसरमा (नेपाल रेडक्रस सोसाइटी) बागलुड जिल्ला शाखाको कार्यालयमा “प्राविधिक यूगमा प्राथमिक उपचार”भन्ने मूल नाराका साथ विभिन्न विद्यालयका जुनियर तथा युवा रेडक्रस सर्कलका अध्यक्ष, सचिव एंव शिक्षक नायकहरूलाई प्राथमिक उपचार सम्बन्धी अन्तरक्रिया कार्यक्रम सम्पन्न भएको छ ।
कार्यक्रमको अध्यक्षता नेरेसो बागलुड जिल्ला शाखाका सदस्य एंव स्वास्थ्य तथा सामाजिक उपसमिति संयोजक कृष्ण प्रसाद आचार्यले गर्नुभएको थियो । त्यस्तै प्रमुख अतिथिमा नेरेसो जिल्ला शाखा बागलुडकी उपसभापति एंव गण्डकी प्रदेश सदस्य सीता शर्मा, विशेष अतिथिमा बा.न.पा ६ का वडा अध्यक्ष रूद्र बहादुर के.सी र नेपाल रेडक्रस सोसाइटी जिल्ला शाखाका कोषाध्यक्ष एंव जुनियर तथा युवा रेडक्रस सर्कल समिति संयोजक जीवननाथ शर्मा तथा अथितिहरूमा जिल्ला शाखा निवर्तमान सदस्य तारा बिश्वकर्मा , सिगाना उपशाखाबाट पुर्व सभापती कविराज जि.सी, निवर्तमान सभापती कर्ण बहादुर कार्की, सदस्य एंव जुनियर तथा युवा रेडक्रस सर्कल समिति सदस्य अर्जुन कार्की, रामरेखा उपशाखाका सचिव भूपेन्द्र बहादुर के.सी र बा.न.पा ३ का सचिव प्रेम बहादुर के.सी रहनुभएको थियो ।
कार्यक्रममा बोल्ने वत्ताहरुले प्राथमिक उपचार अतिआवश्यक रहेको र यसलाई सबै मिलेर सहरमा मात्र नभई गाँउगाँउसम्म पुर्याउनुपर्ने कुरामा जोड दिएका थिए ।
कार्यक्रममा विभिन्न ११ विद्यालयका ३३ जना विद्यार्थीहरूको उपस्थिति रहेको थियो ।
