सुजन रेग्मी, पर्वत
बागलङ, २१ भदौ । जलजला गाउँपालिका वडा नम्बर ८ मा रहेको जलजला नाग्लिवाङ युवा क्लबले तिज मेला आयोजन गर्ने भएको छ ।
धार्मिक, साँस्कृतिक, शैक्षिक, खेलकुद र कृषि भन्ने मुल नाराका साथ मेला आयोजना गर्न लागिएको क्लबका सचिव किशोर रोकाले जानकारी दिनुभयो।
मेलामा छेलो प्रतियोगिता, भलिबल , तीज गीत प्रतियोगिता ,दर खाने कार्यक्रम, भाले छुने प्रतियोगिता, महिला म्युजिकल चियर प्रतियोगिता तथा विभिन्न किसिमका साँस्कृतिक कार्यक्रमहरु राखिएको छ। मेलाको मुख्य उद्देश्य धार्मिक ,साँस्कृतिक, शिक्षा , कृषि, र प्रयर्टनलाइ टेवा पुर्याउनु रहेको रोकाले बताउनुभयो ।
कार्यक्रम भदौ २९ गते देखि असोज २ गते सम्म संचालन हुने छ।
