सुजन रेग्मी , बागलुङ ।
बागलुङ, २० भदौ । विद्यामन्दिर माध्यमिक विद्यालयले तीज विशेष तथा तथा स्वागत कार्यक्रम सम्पन्न गरेको छ । विद्यालयमा अध्यनरत १२ कक्षाका विद्यार्थीले कक्षा ११ मा अध्यनरत विद्यार्थीलाई स्वागत गरेका हुन् ।
कार्यक्रमका प्रमुख अतिथि एवम् गण्डकी प्रदेश सभा सदस्य कृष्ण पाठकले आफ्नो मनतव्य राख्दै विद्यार्थीलाई शिक्षा लिन सामाजिक सन्जाल प्रयोग गर्न अनुरोध गर्नुभएको थियो । उहाँले देशको कर्णदार भनेकै विद्यार्थी हुन र विद्यार्थी देशमै नरहे देशनै खाली रहने बताउनु भएको थियो ।
शुभकामना मनतव्य राख्दै विद्यालय व्यवस्थापन समितिका अध्यक्ष बाबुलाल शाक्यले यो स्कुललाइ राम्रो बनाउन विद्यालय व्यवस्थापन् समिति अहोरात्र खटेको बताउनुभयो। उहाले विद्यार्थीलार्ई आफूभन्दा ठुलाको राम्रो कुरा राम्रो सङ बुझ्न र सिक्न आग्रह गर्नुभएको थियो । विद्यार्थीले अनुशासन पालना गरे विद्यालय राम्रो हुने र यहाँ विद्यार्थीलाई राम्रो पढ्न ,लेख्न र अनुशासन पालना गर्न अनुरोध गर्नुभयो।
स्वागत मनतव्य राख्दै एन्जिलि क्षेत्रीले विद्यालयमा नया प्रधान्ध्यापक फेरिए सङगै विद्यालयमा प्रशासनिक कार्य पहिलाको भन्दा धेरै फरक ढङगले गएको बताउनुभयो । उहाँले अनुसरण इन्चार्जमा कुलराज शर्मा रहेपछी विद्यार्थीको अनुशासनमा केही फरक परेको बताउनुभयो ।
त्यसै गरि विद्यालयका प्रधानध्यापक छबिरमण रेग्मीले यस विद्यालयमा आगामी बर्षहरुमा केही फरक ढङगले जाने बताउदै शुभकामना व्यक्त गर्नुभएको थियो ।
कार्यक्रमको अन्तिम चरणमा कार्यक्रमका अध्यक्ष लक्ष्मी थापले धन्यवाद ज्ञापन गर्नुभएको थियो भने कार्यक्रम कक्षा १२ मा अध्यनरत सन्ध्या शर्मा र रन्जिता थापाको सन्चालनमा सम्पन्न भएको थियो ।
