बागलुङ, १६ बैशाख । तित्याङको जङ्गलमा पूर्खाहरुले पूजाआजा गर्ने एतिहासिक संरचना रहेको ठाँउ फेला परेको छ ।
बा.न.पा ९ तित्याङ (साविक बागलुङ जिल्ला तित्याङ गा.वि.स वडा न. ५) को शिरमा रहेको सिद्देको डाडा नजिकै रहेको जङ्गलमा पूर्खाहरुले पूजाआजा गर्ने एतिहासिक संरचना रहेको ठाँउ फेला परेको हो ।
यो संरचना यस भन्दा अगाडि कहिल्यै पनि देखिएको थिएन । स्थानीय तुलसी थापा जङगलमा स्याउला सोर्न जाने क्रममा भेट्टाउनेु भएको हो भन्ने जानकारी स्थानीय बिष्णु जि सी ले बागलुङ खबरलाई दिनुभयो ।
त्यस ठाँउमा तामाका त्रिशूलहरु, पूराना घण्टीहरु, पूजा गरेका धजाहरु, कलशहरु, जल राख्ने तामाका भाडाहरु रहेका छन् । यो ठाँउ पहरामुनि र जङगलको बिच भागमा अवस्थित रहेको छ । जानका लागि पनि समस्या रहेको यस्तो ठाँउमा कहिलेबाट पूजा शुरु गरियो र कहिलेकाट पूजा गर्न छोडियो भन्ने कुनै एकिन हुन नसकेको जि सी ले जानकारी दिनुभयो ।
यस्को बारेमा स्थानीय बुद्धिजीवी तथा बुढापाकासँग सोधखोज गर्न शुरु गरिएको छ ।
