बागलुङको जनसंख्या वृद्धिदर ऋणात्मक

बागलुङ, १० चैत । केन्द्रीय तथ्यांक विभागले शुक्रबार सार्वजनिक गरेको तथ्यांक अनुसार बागलुङको जनसंख्या वृद्धिदर ऋणात्मक भएको छ ।

नेपालमा वि.सं. १९६८ (सन् १९११) सालदेखि जनगणना गर्ने काम शुरु भएको र त्यसपछि लगभग प्रत्येक १०÷१० वर्षको अन्तरमा जनगणना सञ्चालन हुँदै आएको छ ।

राष्ट्रिय जनगणना २०७८ अनुसार (जनगणना सन्दर्भ दिन २०७८ साल मंसिर ९ गते) नेपालको जनसंख्या २,९१,६४,५७८ रहेको छ, जसमध्ये पुरुषको संख्या १,४२,५३,५५१ (४८.९८ प्रतिशत) र महिलाको संख्या १,४९,११,०२७ (५१.०२ प्रतिशत) छ । जस अनुसार लैङ्गिक अनुपात ९क्भह च्बतष्य० अर्थात प्रति १०० जना महिलामा पुरुषको संख्या ९५.५९ रहेको छ । गत २०६८ सालमा कुल जनसंख्या २,६४,९४,५०४ र लैङ्गिक अनुपात ९४.१६ थियो ।

केन्द्रीय तथ्यांक विभागले शुक्रबार सार्वजनिक गरेको तथ्यांक अनुसार बागलुङको जनसंख्या वृद्धिदर –० दशमलब ७२ प्रतिशत रहेको छ ।

विभागका अनुसार वि.सं. २०७८ को जनगणनामा बागलुङ जिल्लाको जनसंख्या २ लाख ४९ हजार २११ छ । २०६८ को जनगणनामा २ लाख ६८ हजार ६१३ रहेको थियो । तथ्यांक विभागका अनुसार बागलुङमा ६४ हजार १५३ परिवार संख्या रहेको छ ।

तथ्यांक विभागका अनुसार बागलुङका ३४ हजार १५७ जना जनसंख्या र २२ हजार ९२५ परिवार संख्या विदेशमा रहेका छन् । विभागले विदेशमा रहेका र नेपालमा रहेकाहरुको छुट्टाछुट्टै गणना गरेको छ । विभागका अनुसार बागलुङका २८ हजार २९७ पुरुष र ५ हजार ८६९ महिला विदेशमा रहेका छन् ।

बागलुङमा ७ हजार ८११ जना अपाङ्गता भएका व्यक्तिहरु रहेको छभने साक्षरता दर ७९ दशमलब ९७ प्रतिशत रहेको विभागले जनाएको छ ।

यस्तै तथ्यांक विभागका अनुसार बागलुङको सबैभन्दा धेरै जनसंख्या बागलुङ नगरपालिका र कम जनसंख्या तमानखोला गाउँपालिकामा रहेको छ ।

तथ्यांक विभागका अनुसार बागलुङको स्थानीय तहमा सवै भन्दा धेरै जनसंख्या बागलुङ नगरपालिकामा रहेको छ । प्रारम्भिक तथ्यांक अनुसार बागलुङ नगरपालिकामा २६ हजार ८० पुरुष र ३० हजार २२ महिला गरी ५६ हजार १०२ जना जनसंख्या र १५ हजार ९२४ परिवार संख्या रहेको छ । यस्तै सवैभन्दा कम जनसंख्या तमानखोला गाउँपालिकामा रहेको छ । तमानखोलामा ४ हजार ५९३ पुरुष र ५ हजार १९८ महिला गरी ९ हजार ९८२ जना जनसंख्या र २ हजार ६११ परिवार संख्या रहेको छ ।

नगरपालिका तर्फ ढोरपाटन नगरपालिकामा १३ हजार ९६७ पुरुष र १६ हजार १०१ महिला गरी ३० हजार ६८ जनसंख्या र ७ हजार ४८५ परिवार संख्या, गलकोट नगरपालिकामा १४ हजार ३७२ पुरुष र १५ हजार २१६ महिला गरी ३० हजार ५८८ जना जनसंख्या र ७ हजार ७१४ परिवार संख्या र जैमिनी नगरपालिकामा ११ हजार २२२ पुरुष र १३ हजार ४०६ महिला गरी २४ हजार ६२८ जना जनसंख्या र ६ हजार ८२८ परिवार संख्या रहेको तथ्यांक विभागले जनाएको छ ।

यस्तै बडिगाड गाउँपालिकामा १३ हजार ४ सय पुरुष र १५ हजार ४३९ महिला गरी २८ हजार ८३९ जनसंख्या र ६ हजार ७४५ परिवार संख्या, बरेङ गाउँपालिकामा ५ हजार १०२ पुरुष र ६ हजार ५२ महिला गरी ११ हजार १५८ जनसंख्या र २ हजार ९२५ परवार संख्या, काठेखोला गाउँपालिकामा १० हजार २५६ पुरुष र १२ हजार २७० महिला गरी २२ हजार ५२६ जनसंख्या र ५ हजार ८९२ परिवार संख्या, निसीखोला गाउँपालिकामा १० हजार ५६० पुरुष र १२ हजार ५५९ महिला गरी २३ हजार ११९ जनसंख्या र ५ हजार ६३५ परिवार संख्या र ताराखोला गाउँपालिकामा ४ हजार ९२२ पुरुष र ५ हजार १९८ महिला गरी १० हजार १२० जनसंख्या र २ हजार ३३७ परिवार संख्या रहेको छ ।

यस क्रममा वि.सं. २०७८ सालको राष्ट्रिय जनगणना नेपालको बाह्रौं र वि.सं. २०७२ सालमा जारी भएको नेपालको संविधान बमोजिमको संघीय प्रणाली पश्चातको पहिलो जनगणना हो ।