बागलुङ, ८ साउन । बागलुङमा दुई बालिका बलात्कार गरेको आरोपमा दुई जना पक्राउ परेका छन् ।
बागलुङको निसीखोला गाउँपालिका–७ र बडिगाड गाउँपालिका–७ का दुई जना सात वर्षीया बालिकालाई बलात्कार गरेको आरोपमा दुई जनालाई पक्राउ गरेको जिल्ला प्रहरी कार्यालय बागलुङले जनाएको छ ।
बडिगाड गाउँपालिका–७ की सात वर्षीया बालिकालाई बलात्कार गरेको आरोपमा स्थानीय ६० वर्षीय कुलबहादुर गुरुङलाई र निसीखोला गाउँपालिका–७ की सात वर्षीया बालिकालाई बलात्कार गरेको आरोपमा स्थानीय ५८ वर्षीय देवबहादुर कुँवरलाई पक्राउ गरेको जिल्ला प्रहरी कार्यालय बागलुङका प्रहरी नायव उपरीक्षक रामेश्वर त्वातीले जानकारी दिनुभयो ।
गुरुङलाई इलाका प्रहरी कार्यालय बुर्तिबाङले पक्राउ गरि जिल्ला प्रहरी कार्यालय बागलुङमा ल्याएको होभने कुँवरलाई प्रहरीले गत साउन पाँच गते पक्राउ गरेको प्रहरी नायव उपरीक्षक त्वातीले जानकारी दिनुभयो ।
अहिले जिल्ला अदालत बागलुङबाट म्याद थप गरि अनुसन्धान गरि रहेको उहाँको भनाइ छ ।
