मोरङ, ४ मंसिर । मोरङ क्षेत्र नं. ६ को बुढीगंगा गाउँपालिका-१, करैया देवस्थल मतदान केन्द्रमा बम बिष्फोट भएको छ ।
बिष्फोटपछि केहीबेर यता मतदान स्थगित भएको छ । मतदान भइरहेका बेला (क) मतदान केन्द्रको मतपेटिका राखिएको ठाउँमा माटो मुनिबाट अकस्मात् बिष्फोट भएको थियो । बिष्फोटका कारण मतपेटिका समेत माथि उडाएको प्रत्यक्षदर्शी कमलादेवी घिमिरेले बताइन् ।
बिष्फोटपछि सो केन्द्रमा अहिले सेना परिचालन गरिएको छ । मतदान केन्द्रलाई सुरक्षाकर्मीले घेरा हालेर राखेका छन् । प्रमुख जिल्ला अधिकारी काशीराज दाहालले मतदान केन्द्र वरपर नेपाली सेनाको टोलीले स्क्रिनिङ गरिसकेपछि पुन मतदान सुरु गरिने बताए ।
मोरङका प्रमुख जिल्ला अधिकारी काशिराज दाहालले सुरूमा मतदान केन्द्र बाहिर पटाका जस्तो फुटेको भन्दै ढाँटेका थिए ।
