न्युजिल्यान्ड र इंग्ल्यान्ड समुह १ बाट सेमिफाइनलमा प्रवेश गरेका हुन् भने भारत र पाकिस्तान समुह २ बाट सेमिफाइनलमा प्रवेश गरेका हुन् । न्युजिल्यान्ड र इंग्ल्यान्ड क्रमश समुह बिजेता र उप बिजेता हुदै सेमिफाइनलमा प्रवेश गरेका हुन् भने भारत र पाकिस्तान समुह बिजेता र उप बिजेता हुदै सेमिफाइनलमा प्रवेश गरेका हुन् ।
अब पहिलो सेमिफाइनलमा न्युजिल्यान्ड र पाकिस्तानबीच प्रतिस्पर्धा हुने छ । यो खेल आगामी बुधबार सिड्नी क्रिकेट ग्राउण्डमा हुने छ भने दोस्रो सेमिफाइनलमा आगामी बिहिबार भारत र इंग्ल्यान्डबीच हुने छ । यो खेल एडीलेडमा हुने छ । दुवै खेल नेपाली समय अनुसार दिउंसो १:४५ बजे सुरु हुने छ । फाइनल खेल भने आगामी आइतबार मेलबर्न क्रिकेट ग्राउण्डमा हुने छ ।
विश्वकप अन्तर्गत नेदरल्याण्डले साउथ अफ्रीकालाई हराएपछि साउथ अफ्रीका विश्वकपबाट बाहिरिएको हो । साउथ अफ्रीकाले हार बेहोरेकै कारणले पाकिस्तानको सेमिफाइनलमा स्थान सम्भव भएको हो । पाकिस्तानले बंगलादेश हराएर सेमिफाइनलमा पुगेको हो भने अन्तिम खेलमा भारतले जिम्बाबेलाई पराजित गर्दै समुह बिजेता बन्दै सेमिफाइनलमा पुगेको हो । यद्यपि साउथ अफ्रीकाको हार सँगै अन्तिम खेल अगाडी नै भारत सेमिफाइनलमा पुगिसकेको थियो । आफ्नो अन्तिम खेल पनि जित्दै भारत समुह बिजेता बन्दै सेमिफाइनलमा जाने भएको हो ।
फाइनल खेल भारत र पाकिस्तानबीच होस् भन्ने चाहना सामाजिक संजालमा देखिन थालेको छ । भारत र पाकिस्तानले सेमिफाइनलमा आ-आफ्नो खेल जितेमा भारत र पाकिस्तानबीचको फाइनल खेल सम्भव हुने छ ।
