काठमाडौं, १५ कार्तिक। नेकपा एमालेले चुनावी घोषणापत्र सार्वजनिक गर्दै शिक्षण पेसालाई मर्यादित र अतिरिक्त आम्दानी गर्न भौँतारीनु पर्ने अवस्था अन्त्य गर्ने प्रतिबद्धता जनाएको छ । आज होटल याक एण्ड यतीमा आयोजित एक कार्यक्रमका बीच डिजिटल माध्यमबाट घोषणापत्र सार्वजनिक गर्दै शिक्षकलाई सम्मानजनक जीवन जिउन पुग्ने तलब सुविधा उपलब्ध गराईने जनाएको हो ।
त्यसैगरी जीवनपयोगि नमुना शिक्षा र त्यसका लागि नमुना पाठ्यक्रमको निर्माण गर्ने भएको छ । प्राथमीक शिक्षालाई परीक्षामुखीभन्दा सिर्जनात्मक प्रतिभा र उत्सुकता विकास गर्ने ढाँचामा रुपान्तरण गरिने घोषणा पत्रमा उल्लेख गरेको छ ।
माध्यामिक शिक्षालाई विद्यार्थीको अभिरुचिअनुसार विशीष्टीकरण एबम् व्यवसायीकताको आधार तयार गर्ने प्रकृतिको बनाईनुका साथै उच्च शिक्षालाई ज्ञान, सिप र विशिष्टीकरणयुक्त अन्तराष्ट्रियस्तरमा प्रतिस्पर्धा गर्नसक्ने तथा ज्ञानमा आधारित आर्थिक, सामाजिक विकासका लागि उपयुक्त विशिष्ट जनशक्ति निर्माण गर्नमा केन्द्रीत गरिने उल्लेख गरेको छ ।
हेर्नुहोस घोषणापत्र :
