बागलुङ, २८ असोज । बागलुङ जिल्लाको जैमिनी नगरपालिका वडा नं १० राङखानीमा शुक्रबार ध १ च ६२६२ नं को पिकअप भ्यान दुर्घटना भएको छ ।
दुर्घटनामा वर्ष ३९ का भरत पुन, वर्ष २५ का चुरा श्रीस, २५ का संजय रसायली र ३५ का महेन्द्र नेपाली घाइते भएका छन । घाइतेमध्ये भरत पुन र चुरा श्रीष सिकिस्त घाईते भएको हुदाँ हेलिकप्टर मार्फत काठमाण्डौ ग्राण्डी अस्पतालमा लगिएको छ भने संजय रसायली र महेन्द्र नेपाली सामान्य घाईते भएको हुदाँ उनीहरुको जैमिनी नगरपालिका वडा नं १० राङखानी डाँडाखानी स्थित शहरी स्वास्थ विकास केन्द्रमा उपचार भैरहेको छ ।
गाडी मोटरबाटो भन्दा करिब २ सय मिटर तल खसेको थियो ।
पिकअप भ्यान हाँडिकोटबाट फर्कने क्रममा दुर्घट्ना भएको वडा नं १० राङखानीका स्थानीयले जानकारी दिएका छन ।
