बागलुङ कालिका भगवती मन्दिरको गुठी व्यवस्थापन समितिले मन्दिरमा चढाईएको गरगहना आईतबार एक कार्यक्रमका बीच सार्वजनिक गरेको छ ।
आईतबार मन्दिर परिसरमा कार्यक्रमको आयोजना गरी विक्रम संवत २०७७ साल मंसिर महिनादेखि यता चढाइएका सुनचाँदीका गरगहनार मुर्तिहरु सार्वजनिक गरिएको हो । कालिका मन्दिर व्यवस्थापन समिति गुठीका अध्यक्ष कुमार खड्काका अनुसार कालिका मन्दिरमा २७ प्रकारका गरगहना चढाईएको छ ।
सुनका तिलहरी ११ वटा, सुनको सिक्री दुई वटा, सुनको टिका चार वटा, सुनको मुन्द्रा ५ वटा, सुनको फुली १ वटा रहेको छ । सुनको प्रतिमा चार वटा, सुनको सिक्का एक वटा, सुनको औंठी एक वटा, सुनको तार एक, सुनको जन्तर १, सुनको नाग ३ वटा, चाँदीको तिलहरी १० वटा, चाँदीको घोडा ८ वटा, चाँदीको औठी ४ वटा रहेको गुठीले सार्वजनिक गरेको विवरणमा उल्लख गरिएको छ । चाँदीको टिका १ वटा, चाँदी ५ ग्राम, चाँदीको मुन्द्रा १ वटा, चाँदीको पाउजु १८ वटा, चाँदीको नाग ३ वटा, चाँदीको घण्टी २ वटा, चाँदीको दियो ६ वटा, चाँदीको बाला ५ वटा, चाँदीको सिक्का ४ वटा, चाँदीको नेक्लेस १ वटा, चाँदीको त्रिशुल २ वटा र चाँदीको टुक्रा १ वटा रहेका छन् ।
२०७७ साल मंसिर महिनायता चढाईका सुनचाँदीका गरगहना अहिले सार्वजनिक गरिएको र त्यस भन्दा अगाडिको गरगहना मालपोत कार्यालयमा बुझाउने चलन रहेको कुरा खड्काले बताए ।
