बेनी–जोमसोम सडक खण्ड पहिरो जाँदा अबरुद्ध

अविरल वर्षाले गर्दा अन्नपुर्ण गाउँपालिलका अन्तर्रगतका जलथले, रुप्से झरना, काभ्रे भिरमा पहिरोले गर्दा सडक अबरुद्ध भएको कालिगण्डकी करिडोर सडक आयोजनाका फिल्ड सुपरभाइजर इन्द्रसिंह शेरचनले बताउनुभयो । सडक मर्मतका लागि प्रयास भई रहेको भए पनि पहिरो झर्न नरोकिएकोले काम हुन नपाएको शेरचनले बताउनुभयो । जलथलेमा लगातार पहिरो झरी रहेकोले गर्दा सडक खुलाउन समस्या भएको शेरचनको भनाइ छ ।

जिल्ला प्रहरी कार्यालय म्याग्दीका प्रहरी नायव उपरीक्षक तिलक भारतीले अन्नपुर्ण गाउँपालिका– ३ दानाको जलथले, रुप्से र काभ्रे भिरमा पहिरोले सडक अबरुद्ध भएको बताउनुभयो । सडक खुलाउनका लागि सडक आयोजना र प्रहरी टोली खटेको भए पनि खुल्न समय लाग्ने प्रनाउ भारतीको भनाई छ ।