सुजन रेग्मी
बागलुङ, ४ भदौ । बागलुङ प्रबुद्ध युवा समूहले आयोजना गरेको प्रथम अन्तर विद्यालय तीज गीत प्रतियोगिता २०८२ को उपाधि प्रिसियस एकेडमी बागलुङले हात पारेको छ ।
पन्ध्र वटा सहभागी विद्यालयलाई पछि पार्दै प्रिसियस एकेडमीले प्रथम स्थान हासिल गर्न सफल भएको हो ।
प्रतियोगिताको अमर आदर्श बोडिङ स्कुल दोस्रो तथा माउन्ट एभरेस्ट एकेडमीले तेस्रो स्थान हासिल गर्न सफल भएका थिए ।
प्रतियोगितामा प्रथम हुनेलाई ४१ हजार १ सय ११ रुपियाँ पुरस्कार सहित प्रमाणपत्र प्रदान गरिएको थियो भने द्वितीय हुनेलाई १७ हजार ७ सय ७७ रुपियाँ र तृतीय हुनेलाई ११ हजार १ सय ११ रुपियाँ सहित प्रमाणपत्र पनि प्रदान गरिएको थियोे ।
कार्यक्रमको उद्घाटन जैमिनी नगरपालिकाका नगर उपप्रमुख हरिहर शर्माले गरेका थिए । उनले उद्घाटन पछि बोल्दै पहिचान चिनाउनमा सहयोग पुग्ने बताउँदै नयाँ पुस्ताले यस्ता कार्य गर्दा सहयोग गर्ने बताए ।
देश बनाउन सबैले सहयोग पुग्ने बताउँदै उनले विदेशमा भएको अनुभवलाई देशमा प्रयोग गर्नुपर्ने भन्दै प्रतिभालाई उजागर गर्नु नै ठूलो महत्व रहेको उनले बताए ।
कार्यक्रममा प्रायोजक र सहयोगीलाइ पनि सम्मान गरिएको थियो ।
कार्यक्रममा नेपाल विद्यार्थी संघ बागलुङका निवर्तमान अध्यक्ष विषेश पराजुली ,स्वतन्त्र विद्यार्थी युनियन धौलागिरि बहुमुखी क्याम्पसका अध्यक्ष आस्मिन शेख लगायतले शुभकामना मन्तव्य राखेका थिए ।
प्रबुद्ध युवा समूहका अध्यक्ष रोहित सुनारको अध्यक्षता सदस्य जानबी नायरको स्वागत मन्तव्य र सचिव सागर खत्रीको सञ्चालनमा कार्यक्रम सम्पन्न भएको थियो ।
