बागलुङ, २३ जेठ । बंगबन्धु कप अन्तराष्ट्रिय पुरुष कबड्डी प्रतियोगितामा नेपाल उपविजेता बनेको छ ।
बंगलादेशको ढाकामा सोमबार भएको फाइनल खेलमा आयोजक राष्ट्र बंगलादेशसँग ४५–३१ अंकले पराजित हुँदै नेपालले उपविजेतामा चित्त बुझाएको हो ।
यसअघि समूह चरणको अन्तिम खेलमा पनि नेपाल बंगालादेशसँग पराजित हुँदै समूहको उपविजेता बन्दै सेमिफाइनलमा प्रवेश गरेको थियो ।
नेपालले आइतबार केन्यालाई पेनाल्टीमा ९–५ ले पराजित गर्दै फाइनल प्रवेश गरेको थियो। निर्धारित समयमा ५०–५० अंक भएपछि खेल पेनाल्टी (५ रेडमा) धकेलिएको थियो ।
नेपालमा कप्तान घनश्याम रोका मगर प्रतियोगिताको सर्वोत्कृष्ट खेलाडी घोषित भए। रोकाले प्रतियोगितामा पाँच खेलमा म्यान अफ दी म्याच समेत घोषित भएका थिए ।
