काठमाण्डौं, २९ असोज । आईसीसी एकदिवसीय क्रिकेट विश्वकपमा अस्ट्रेलियासँगको खेलमा श्रीलङ्का २ सय ९ रनमा नै अलआउट भएको छ ।
लखनउमा टस जितेर पहिला ब्याटिङ गरेको श्रीलङ्काले ४३.३ ओभरमा सबै विकेट गुमाएर जम्मा २ सय ९ रन बनायो । उसका लागि कुशल परेराले सर्वाधिक ७८ रन र पथुम निसान्का ६१ रन बनाउनु बाहेक अरु ब्याट्सम्यानले राम्रो पर्दशन गर्न सकेनन् ।
बलिङतर्फ अस्ट्रेलियाका एडम जम्पाले ४ तथा कप्तान प्याट कमिन्स र मिचेल स्टार्कले २।२ विकेट लिए ।
श्रीलङ्का अङ्क तालिकाको ८ औँ र अस्ट्रेलिया पुछारमा छ ।
जारी प्रतियोगितामा दुवै टोली जितविहीन रहेका छन् ।
