बागलुङ , १८ बैसाख । बागलुङमो ढोरपाटन नगरपालिकाले ४८ जना कृषकलाई यान्त्रिक हलो उपलब्ध गराएको छ । कृषिको विकास र आधुनिक कृषि प्रविधिको विकासलाई पच्छ्याइँदै नगरपालिकाले ४८ जना कृषकलाई लक्षित गर्दै पचास प्रतिशत अनुदानमा यान्तिक हलो उपलब्ध गराएको हो।
ग्रामीण क्षेत्रमा हलगोरु लोप हुँदै जानु र कृषकलाई छिटो छरितो तवरबाट कृषि उत्पादनमा समय व्यवस्थापन गर्नुपर्ने अवस्थालाई मध्यनजर गर्दै नगरपालिकाले विगतका वर्षदेखि नै कृषकलाई यान्तिक हलो उपलब्ध गराउँदै आएकाले सही ठाउँमा सही तवरले प्रयोग गर्न ढोरपाटन नगरपालिका कार्यवाहक मेयर धन बहादुर कायतले किसानलाई आग्रह गर्नुभयो ।
नगरपालिकाको १२ लाख कृषकको १२ लाग गरि कुल २४ लाख लागतमा ४८ जना कृषकलाई पुग्ने गरी वितरण गरिएको कृषिशाखा प्रमुख रोशन बलायरले बताउनुभयो ।नगरपालिकाले कृषि क्षेत्रको विकास र विस्तारका निम्ती यस्ता कार्यक्रम अगाडिबढाएको प्रमुख प्रशासकीय अधिकृत चिरञ्जीवी घिमिरेको भनाई छ ।
गाउँ गाउँमा यान्तिक हलो मार्फत खेत बारी जोन पाउने भएपछि कृषक समेत खुसी भएका छन । नगरपालिकाले कृषककाआवश्यकता र समस्यालाई सम्बोधन गरिदिएकोमा आफूहरू खुसी रहेको स्थानीय कृषकको भनाई छ।
