बागलुङ, २५ चैत । बीमा दिवसको अवसरमा बागलुङमा बुधबार अन्तरक्रिया कार्यक्रम सम्पन्न भएको छ ।
दसौँ स्वास्थ्य बीमा दिवस २०८२ को अवसरमा स्वास्थ्य बीमा बोर्ड बागलुङ शाखाको आयोजनामा धौलागिरी प्रादेशिक अस्पताल बागलुङमा अन्तरक्रिया कार्यक्रम सम्पन्न भएको हो ।
कार्यक्रमको अवसरमा स्वास्थ्य बीमा सम्बन्धी प्रस्तुतिकरण स्वास्थ्य बीमा बोर्ड बागलुङ शाखाका प्रमुख नारायण प्रसाद शर्माले गर्नुभएको थियो । कार्यक्रममा अस्पतालको निमित्त मेडिकल सुपरिटेन्डेन्ट डा. प्रवीण घिमिरेले आफ्नो मन्तव्य राख्नु भएको थियो ।
धौलागिरी प्रादेशिक अस्पताल बागलुङमा अध्यक्ष श्री श्रीप्रसाद शर्माको अध्यक्षतामा सम्पन्न भएको कार्यक्रममा स्वागत दर्ता सहयोगी निर्मला शर्मा तथा सञ्चालन धौलागिरी अस्पतालका प्रशासन अधिकृत तुलसीराम कँडेलले गर्नुभएको थियो ।
“राज्यको लगानी नागरिकको योगदान— स्वास्थ्य बीमा साझा अभियान” भन्ने मूल नाराका साथ कार्यक्रम भएको थियो ।
