सुजन रेग्मी
बागलुङ, ११ फागुन । बागलुङमा ५९ वटा दर्ता भएका इजाजत प्राप्त हातहतियार जिल्ला प्रहरी कार्यालय बागलुङमा बुझाएका छन् ।
जिल्ला प्रहरी कार्यालय बागलुङका प्रहरी प्रमुख उपरिक्षक तिलक भारतीले ५९ जनाले दर्ता भई इजाजत प्राप्त भएका हातहतियार बुझाएको बताउनुभयो ।
आगामी फागुन २१ गते हुने प्रतिनिधि सभा सदस्य निर्वाचनलाई स्वच्छ, मर्यादित र भयरहित रुपमा सम्पन्न गर्नका लागि हातहतियार बुझाउन जिल्ला प्रशासन कार्यालय बागलुङले सूचना निकालेको थियो ।
जिल्ला प्रशाशन कार्यालय बागलुङका नायब सुब्बा रामप्रसाद उपाध्यायले १४२ वटा इजाजत प्राप्त हातहतियार भएको बताउनुभयो । जिल्लामा दर्ता भएका हातहतियार अन्य जिल्लामा पनि गएको हुन सक्ने भन्दै दुरुपयोग नगर्न सचेत गराएको नासु उपाध्यायले बताउनुभयो ।
जिल्ला प्रहरी कार्यालय बागलुङले विभिन्न ठाँउबाट १२४ वटा अवैध हातहतियार निकालेको जिल्ला प्रहरी कार्यालय बागलुङले जनाएको छ ।
जिल्ला प्रशाशन कार्यालयले बागलुङले गत माघ ८ गतेदेखि माघ २० गते सम्म हातहतियार बुझाउन भन्दै सूचना निकालेको थियो ।
