सुजन रेग्मी
बागलुङ १३ माघ । चिल्ड्रेन लाईफ स्पोट्र्स क्लबद्वारा आयोजना गरिएको चौथो चिल्ड्रेन लाईफको उपाधि अमर आदर्श माविले हात पारेको छ । आर्दश विद्यामन्दिर माध्यामिक विद्यालयलाई १।० गोल गर्दै अमर आर्दशले जित पक्का गरेको हो ।
खेलको अन्तिम समयसम्म कुनै टिमले गोल गर्न सकेनन् । अमर आदर्शका ८ नम्बर जर्सीका खेलाडी प्रदिप परियारले इन्जुरी समयको ३ मिनटमा निर्णयक गोल गर्दै टिमलाई जित दिलाए ।
प्रतियोगितामा बिजेता हुने टोलीलाई नगद रु ५५ हजार ५ सय ५५ ट्रफी मेडल र प्रमाणपत्र, उपबिजेता हुने टोलीलाई नगद रु ३३ हजार ३३३ सहित ट्रफी मेडल र प्रमाणपत्र प्रदान गरेको क्लबका अध्यक्ष नवराज श्रेष्ठले जानकारी दिनुभयो ।
खेल बाङ्गेचभौर खेल मैलानमा सञ्चालन भएको थियो ।
