बागलुङ ५ माघ । बागलुङमा नगरपालिका १० भकुण्डेमा रहेको महिला समूहलाई बाख्रा उपहार गरिएको छ ।
भकुण्डेमा रहेको शिवालय स्वभालम्भी महिला समूहलाई बागलुङ नगरपालिकाको आर्थिक सहयोगमा शनिबार बाख्रा उपहार गरिएको हो ।
हेफर बागलुङ र गाजा डेभलपमेण्ट फाउण्डेसन बागल्ङको प्रविधिक सहयोगमा उपहार प्रदान कार्यक्रम अन्तर्गत त्यहाँ रहेका विभिन्न समूहलाई २१ वटा बाख्रा प्रदान गरिएको हो ।
कार्यकमको उद्धाटनपछि बोल्दै बागलुङ नगरपालिकाका नगर उपप्रमुख राजु खड्काले जनताका काम गर्नका लागि आत्मनिर्भर काम गरेको बताउनुभयो । उहाँले जनताका लागि विभिन्न तालिमहरु आगामी दिनमा ल्याउने पनि बताउनुभयो । त्यहाँ रहेका जनतालाई आर्थिक विकास र उत्पादनमा जोडिन खड्काले आग्रह गर्नुभयो ।
बागलुङ नगरपालिकाका पशु शाखाका प्रमुख मित्रलाल सापकोटा, गाजा डेभलपमेण्ट फाउण्डेसन बागलुङका अध्यक्ष याम प्रसाद कडेँल, वडा अध्यक्ष तिल बहादुर थापाले लगाएतले मन्तव्य राख्नुभएको थियो ।
सबैले आयआर्जनमा टेवा पुर्याउन र गाउँमा नै रोजगारी उत्पन्न हुने तथा आम्दानी हुने कार्यहरुमा जोड दिनुपर्ने कुरा बताएका थिए । मेहेनत गरे प्रतिफल पनि राम्रो हुने उनीहरुको भनाई थियो ।
बागलुङ नगरपालिकाले आर्थिक वर्ष २०८२/८३ मा वडा नम्बर ५ देखि १४ नम्बर वडालाई समेटेको छ भने क्रमसँगै १ नम्बर वडा देखि ४ नम्बर वडालाई पनि समेटिने उपप्रमुख खड्काले जानकारी दिनुभयो ।
समूहकी अध्यक्ष कलावती बिकको अध्यक्षता समूहकी सदस्य देउकली थापाको स्वागत तथा सचिव अमृता थापाको सञ्चालनमा कार्यक्रम सम्पन्न भएको थियो ।
आत्मनिर्भर बागलुङका कार्यक्रमका लागि गत वर्ष १ करोड रकम छुटिएको थियो भने यो आर्थिक वर्ष २०८२/८३का लागि ७० लाख छुटिएको खड्काले जानकारी दिनुभयो ।
