बागलुङ २ माघ । धवलागिरि बहुमुखी क्याम्पस बागलुङको ६३ औं वार्षिकोत्सब आजदेखि सुरुवात भएको छ ।
तत्कालीन धवलागिरि अञ्चलको एक मात्र क्याम्पस धवलागिरि बहुमुखी क्याम्पसको आजदेखि ६३ औं वार्षिकोत्सब कार्यक्रम सुरु भएको शनिबार पत्रकार सम्मेलन मार्फत जानकारी गराएको हो ।
वार्षिकोत्सबका कार्यकम माघ २ गतेदेखि ९ गतेसम्म सञ्चालन हुनेछन् । वार्षिकोत्सबमा स्वास्थ्य शिविरदेखि विभिन्न प्रतियोगिताहरु सञ्चालन हने आयोजकले जनाएको छ ।
जसमा पूर्व विद्यार्थी , सेवानिवृत प्राध्यापक तथा कर्मचारी भेटघाट कार्यक्रम , प्राध्यापक कर्मचारी स्ववियू नेपाल पत्रका महासंघबिच मैत्रीपूर्ण फुटबल प्रतियोगिता, छात्रा तथा छात्र भलिबल प्रतियोगिता, क्रिकेट प्रतियोगिता, दौड प्रतियोगिता, वादविवाद प्रतियोगिता, १०० मिटर छात्र तथा छात्रा दौड प्रतियोगिता , ब्याडमिन्टन प्रतियोगिता, छात्र तथा छात्रा लठो तान्ने प्रतियोगिता, प्राध्यापक कर्मचारी र स्ववियूबिच म्युजिकल चियर र घैटोफोर प्रतियोगिता, शैक्षिक बहस साहित्यिक सन्ध्या, अन्तर मावि थिम प्रतियोगिता तथा नृत्य प्रतियोगिता सञ्चालन हुनेछन् ।
धवलागिरि बहुमुखी क्याम्पसका प्रमुख सह.प्रा.डा. सुदर्शन सिलवालले खेलका लागि सव्य र भव्य रुपमा सफल पार्नका लागि आग्रह गर्नुभयो । उहाँले सैद्धान्तिक रुप जानेको ज्ञानलाई व्यवहारमा लागू गर्नुपर्ने बताउनुभयो । उहाँले क्याम्पसभित्र गरिने सिकाईलाई समाजमा लागू हुनुपर्ने कुरामा जोड दिनुभयो ।
धवलागिरि बहुमुखी क्यम्पसका क्याम्पस सञ्चालक समितिका अध्यक्ष दिन बहादुर थापाको अध्यक्षता, सहायक क्यापस प्रमुख हरिप्रसाद पाण्डेको स्वागत तथा सहायक क्याम्पस प्रमुख डिल्लीराज गौतमको सञ्चालनमा कार्यक्रम सम्पन्न भएको थियो ।
