बागलुङ, २७ पौष । धौलागिरी प्रादेशिक अस्पतालले विविध अतिरिक्त क्रियाकलापसहित ६७ औं वार्षिकोत्सब आजबाट मनाउने भएको छ । अस्पतालले आफनो वार्षिकोत्सबको अवसर पारेर आइतबारदेखि विभिन्न किसिमका कार्यक्रमहरु सञ्चालन गर्न लागेको हो ।
वार्षिकोत्सबको कार्यक्रम अन्तर्गत पौष २७ गते फुटसल प्रतियोगिता आयोजना गरिएको छ । त्यस्तै पौष २८ देखि माघ १ गतेसम्म अस्पतालका विभिन्न विभागमा कार्यरत चिकित्सक, स्वास्थ्यकर्मी तथा कर्मचारीहरुबिच विभिन्न खेलकुद कार्यक्रम आयोजना गरिएको वार्षिकोत्सब संयोजक डा. अस्मिता श्रेष्ठले जानकारी दिनुभयो ।
विभिन्न कार्यक्रमहरु अन्तर्गत २८ गते क्यारमबोर्ड प्रतियोगिता, २९ गते चेस प्रतियोगिता, र टेवलटेनिस प्रतियोगिता, ३० गते बेलुनडान्स प्रतियोगिता र लठ्ठा तान्ने प्रतियोगिता तथा माघ १ गते प्रभात फेरी र म्याराथन प्रतियोगिता सञ्चालन हुने श्रेष्ठले जानकारी दिनुभयो ।
यस्तै अस्पतालले माघ ३ गते नृत्य, गीत, गजल, कवितावाचन तथा नसर्ने रोगको स्क्रिनिङ कार्यक्रमसहित ६७ औं वार्षिकोत्सबको मूल समारोह गर्ने श्रेष्ठले जानकारी दिनुभयो ।
