बागलुङ, ७ पौष । धौलागिरी प्रादेशिक अस्पताल बागलुङका नवनियुक्त व्यवस्थापन समितिको अध्यक्ष श्रीप्रसाद शर्माले पदभार ग्रहण गर्नुभएको छ ।
सोमबार आयोजना गरिएको कार्यक्रममा गण्डकी प्रदेशका स्वास्थ्यमन्त्री कृष्णप्रसाद पाठकले नवनियुक्त अध्यक्ष शर्मालाई पदभार ग्रहण गराउनुभएको हो ।
पदभार कार्यक्रमपछि बोल्दै गण्डकी प्रदेशका स्वास्थ्यमन्त्री कृष्णप्रसाद पाठकले स्वास्थ्य क्षेत्रमा गण्डकीले फड्को मारेको बताउँदै अस्पतालको विकासमा अध्यक्षको भूमिका उल्लेख्य रहने बताउनुभएको छ । पाठकले कर्मचारीहरुलाई कुनै पनि बहाना नबनाई काममा खट्न आग्रह गर्नुभयो । उहाँले कर्मचारी, चिकित्सक र व्यवस्थापन समिति मिलेर अस्पताललाई अगाडी बढाउन पनि अनुरोध गर्नुभयो ।
पदभार ग्रहणपछि बोल्दै अध्यक्ष श्री प्रसाद शर्माले अस्पतालको सुधारका लागि सबैसँग सहकार्य गरेर अस्पताल सुधारमा अघि बढ्ने बताउनुभयो । “अस्पतालले गरेको सेवालाई आम जनमानसमा पु¥याउन आवश्यक छ, कतिपय अस्पतालका राम्रा काम जनतामा पुगेका छैनन्, पत्रकार साथीहरुले सकरात्मक कामलाई बाहिर ल्याउनुप¥यो” शर्माले भन्नुभयो ।
कार्यक्रममा जिल्ला समन्वय समितिका प्रमुख अमर बहादुर थापा, अस्पतालका पूर्व अध्यक्ष डा. कृष्ण बहादुर केसी, सहायक प्रमुख जिल्ला अधिकारी जनकराज पन्त र मेडिकल सुपरीटेन्डेण्ट डा. किरण तिवारीले आआफ्नो मन्तव्य राख्नुभएको थियो ।
कार्यक्रम नवनियुक्त श्रीप्रसाद शर्माको अध्यक्षता तथा नवराज शर्माको सञ्चालनमा सम्पन्न भएको थियो ।
