सुजन रेग्मी
बागलुङ, २८ मंसिर । प्रेस सेन्टर बागलुङले आयोजना गरेको पत्रकार सम्मेलनमा नेपाली कम्युनिस्ट पार्टीकी शीर्ष नेत्री पम्फा भुसालले जनताका आकाङ्क्षालाई साकार पार्नका लागि फेरि जनताका सामु जान आवश्यक रहेको बताएकी छन् ।
उनले सरकारमा रहँदा जनताका आकाङ्क्षा पूरा गर्न न सकेकोले फेरि पनि जनताकै सामु जान लागेको बताएकी हुन ।
तत्कालीन नेपाल कम्युनिस्ट पार्टी र नेपाली काङ्ग्रेसको गठबन्धनमा सरकारमा रहँदा आफूहरूले भ्रष्टाचारको फाइल खोल्दा गठबन्धन टुटेको बताइन । उनले नेपाली कम्युनिस्ट पार्टीले चलाई राखेको जनजागरण अभियानमार्फत जनतालाई सचेत गराउन र जनताका सामु पार्टी रहेको बताइन ।
उनले अहिले रहेको सरकारले जनताको पक्षमा नरहेको बताइन् । उनले जनताकै पक्षमा काम नगरेको र उल्टो पक्षमा हिँडेको बताइन् ।
गत भदौ २३ र २४ गते भएको जेनजी आन्दोलनले गर्दा धेरै नोक्सान भएको बताउँदै सबै कम्युनिस्ट पार्टी एक भएर सरकार बन्नु पर्नेमा जोड दिइन ।
अहिलेको सरकारले तोकेको समयमा निर्वाचन गराउने भन्दै आफ्नो पार्टी निर्वाचनमा जाने भन्दै र फागुन २१ मै चुनाव हुनुपर्नेमा जोड दिइन ।
अहिले बनेको नेपाली कम्युनिस्ट पार्टी केन्द्रदेखि पालिका स्तरमा कमिटी बनेर जाने र आगामी हुने पार्टीको अधिवेशनमा २० प्रतिशत जेनजी समूहलाई केन्द्रीय कमिटीमा लाने बताउँदै उनले युवाहरूलाई हस्तान्तरण र पुस्तान्तरण गर्ने गरी महाधिवेशनमा जाने बताइन् ।
नेपाली कम्युनिस्ट पार्टी अब जनताले पाउनु पर्ने अधिकारबाट वञ्चित नहुने गरी काम गर्ने बताइन । उनले आगामी हुने चुनावमा नेपाली कम्युनिस्ट पार्टी आगामी चुनावमा एक्लै जाने बताइन ।
