बाग्लुङ, २९ असोज । अन्तर्राष्ट्रिय बाग्लुङ समाजले आयोजना गरेको बाग्लुङ जिल्ला पालिका स्तरिय पुरुष भलिबल प्रतियोगितामा बाग्लुङ नगरपालिकाले विजयी सुरुवात गरेको छ ।
बुधवार सम्पन्न भएको खेलमा तमानखोला गाउँपालिकालाई तीनका विरुद्ध दुई सेटमा पछि पार्दै बाग्लुङ नगरपालिका विजयी भएको हो ।
आजै हुने दोस्रो खेलमा जैमिनी नगरपालिका र बडिगाड गाउँपालिका भिड्नेछन् । खेल दिउसो २ बजे सुरु हुने आयोजकले जनाएको छ ।
सम्पूर्ण खेलहरु बाग्लुङ बसपार्क नजिकै दाबगरामा सञ्चालन हुनेछन् ।
कार्यक्रमको उद्घाटन भने असोज ३० गते हुनेछ ।
