बागलुङ , २६ वैसाख । बागलुङमा रहेको विद्यामन्दिर पुस्तकालयको ७७ औं साधारणसभा सभा सम्पन्न भएको छ ।पुस्तकालयले आफ्नो ७७ औं साधारणसभा गरि सम्पन्न गरेको हो ।
साधारणसभाको उद्घाटन गर्दै भौतिक पुर्वाधार विकास तथा यातायात मन्त्री गोविन्द बहादुर नेपालीले समाजमा पठन संस्कृतले हरेक क्षेत्रमा योगदान पुर्याउने बताउनुभयो ।
पुस्तकालयमा आफुले गर्नुपर्ने सहयोग गर्ने बताउँदै पठन सस्कृतिलाई विकास गर्दा स्वच्छ सचेत समाज बन्ने उहाँले धारण व्यक्त गर्नुभयो ।
कार्यक्रममा पुस्तकालयका सल्लाहकार लालचन्द्र राजभण्डारी नेपाल पत्रकार महासंघ बागलुङका अध्यक्ष राम थापा र यसोधा राजभण्डारीले शुभकामना व्यक्त गर्नुभएको थियो
कार्यक्रममा पुस्तकालयकान सचिव गगन बहादुर पुनले प्रगति प्रतिवेदन र कोषाध्यक्ष धनमाया शर्माको आर्थिक प्रतिवेदन प्रस्तुत गरेका थिए ।
पुस्तकालयका संस्थापक भिमप्रसाद गौचन र मेघकुमार वैधको नाममा स्थापना गरिएको ओमप्रसाद –मेघकुमार सम्मान कोष मार्फत यसोधा राजभण्डारीलाई ५ हजार रुपियाँ सहित दोसल्ला र प्रमाण पत्र सहित सम्मान गरिएको छ ।
त्यस्तैगरि नन्दगंगा स्मृति कोष मार्फत गणेश माविका दिप बहादुर श्रेष्ठ र ज्ञान कुमारी श्रीसलाई १५००/१५०० रुपियाँ सहित प्रमाण पत्र सहित पुरस्कृत गरिएको थियो ।
उक्त कार्यक्रममा पुस्तकालयका उत्कृष्ट पाठक पवन सापकोटा उत्कृष्ट बाल पाठक इन्दु थापा मगर आजिवन सदस्य मना केसी केदारनाथ उपाद्या सकुन्तला शर्मा गणेश सापकोटा चिरञ्जीवी कुमार श्रेष्ठ महेन्द्र सिह रायमाझी , सहनशिला श्रेष्ठ ,युक्तजँग राजभण्डारी, चन्द्रकुमारी श्रेष्ठ लगाएतलाई पुरस्कृत गरिएको थियो ।
कार्यक्रममा विद्यामन्दिर पुस्तकालयका अध्यक्ष रामचन्द्र शर्माको अध्यक्षता,उपाध्यक्ष राजन शर्माको स्वागत र पुस्तकालयका कार्यसमिति सदस्य गोकुल प्रसाद कँडेलको सञ्चालनमा सम्पन्न भएको थियो ।
