बागलुङ, १७ जेठ । बागलुङमा २१ ओै शताब्दी विशेष शिक्षण सिकाइ तालिम सम्पन्न सम्पन्न भएको छ ।
एन प्याब्सन बागलुङले शुक्रबार दिएको तालिममा बागलुङ नगरपालिका भित्रका एन प्याब्सन अन्तर्गतका आठ ओटा विद्यालयका ६० जना शिक्षकशिक्षिकाहरु सहभागि भएका थिए ।
एन प्याब्सन बागलुङका केन्द्रिय सचिव तथा फ्यूचर बा्रइटर आवासीय मा.वि का प्रिन्सिपल बालकृष्ण शर्मा प्रमुख अतिथि रहनुभएको कार्यक्रममा स्वागत मन्तव्य एन प्याब्सनका केन्द्रिय सदस्य तथा न्यू ओयसिस एकेडेमीका प्रिन्सिपल नेत्रलाल न्यौपानेले गर्नुभएको थियो । स्वागत मन्तव्य सँगसँगै न्यौपानेले कार्यक्रमको बारेमा पनि जानकारी दिनुभएको थियो ।
कार्यक्रम शिक्षकहरुका लागि एकदमै लाभदायक भएको र यस्ता किसिमका कार्यक्रमले शिक्षण सिकाइ कार्यमा सहयोग पुर्याउने भएकाले एन प्याब्सन बागलुङले यस्ता किसिमका कार्यक्रम गर्दै जाने एन प्याब्सन बागलुङ नगर कार्यसमिति अध्यक्ष चन्द्र बहादुर क्षेत्रीले बताउनुभएको थियो ।
तालिमको सहजकर्ता प्रदिप पराजुलीले गर्नुभएको थियो । त्यस्तै तालिम होटल दि राजनमा भएको थियो ।
एन प्याब्सन बागलुङ नगर कार्यसमिति अध्यक्ष चन्द्र बहादुर क्षेत्रीको अध्यक्षतामा सम्पन्न भएको तालिमको सञ्चालन एन प्याब्सनका नगर सचिव तथा गुराँस विद्या सदनका प्रिन्सिपल निसान खड्काले गर्नुभएको थियो ।
