बागलुङ,२१ फागुन । नेकपा एमालेका महासचिव शंकर पोखरेल बिहीबार बागलुङ आउने भएका छन्। नेकपा एमाले बाग्लुङको आयोजनामा वडा केन्द्रित पार्टी निर्माण अभियानको अभिमुखिकरण कार्यक्रममा महासचिव पोखरेल बागलुङ आउन लागेका हुन्।
पार्टीको सञ्चालन गर्ने जरा केन्द्रित अभियानको लागि अभिमुखीकरण कार्यक्रमको आयोजना गरिएको एमाले बाग्लुङले जनाएको छ । वडा र टोल तहमै पार्टीका गतिविधिलाई अगाडि बढाउने पत्रकार सम्मेलनमा जनाइएको छ । एमाले जिल्ला अध्यक्ष हिरा बहादुर केसीले जरा केन्द्रित अभियानको उद्घाटन गर्न महासचिव पोखरेल बागलुङ आउन लागेको र सम्पूर्ण तयारी समेत पूरा भएको बुधवार पत्रकार भेटघाट कार्यक्रम मार्फत जानकारी दिए ।
वडाको जरा केन्द्रित अभियानालाई अघि बढाउन पार्टीले १० स्थानीय तहमा पालिका स्तरीय अभिमुखीकरण कार्यक्रम, फागुन मसान्तभित्र वडास्तरीय अभिमुखीकरण र चैत मसान्तभित्र टोलसम्म अभिमुखीकरण कार्यक्रम गर्ने अध्यक्ष केसीले जानकारी दिए । सोही योजना अनुसार बाग्लुङ बजारमा जिल्ला स्तरीय पार्टी कार्यकर्ता अभिमुखीकरण कार्यक्रम आयोजना गरिएको उनले बताए ।
अभिमुखीकरण कार्यक्रममा सम्बन्धित भुगोलका प्रदेश कमिटीका सदस्यहरु, जिल्ला कमिटीका सदस्यहरु, पालिका कमिटीका पदाधिकारी, पालिकाका निर्वाचित पदाधिकारी, वडा कमिटी अध्यक्षहरु, जनसंगठनका केन्द्रिय पदाधिकारी तथा सदस्यहरु, जनवर्गीय संगठनका जिल्ला अध्यक्षहरु गरी करिव एक हजार जनाको सहभागिता हुने नेकपा एमाले जिल्ला कमिटी, बागलुङका सचिव गणेश थापाले जानकारी दिए।
अभिमुखीकरण कार्यक्रम बिहिबार ११ बजेदेखि जोजोलपा पार्टी प्यालेसमा हुने एमाले बागलुङले जनाएको छ।
