बागलुङ, १७ फागुन । राष्ट्रिय निजी तथा आवासीय विद्यालय एसोसिएसन नेपाल (नेसनल प्याब्सन)को ८औँ राष्ट्रिय महाधिवेशन शनिबार काठमाडौंमा सम्पन्न भएको छ ।
महाधिवेशनबाट सचिवमा फ्युचर ब्राइटर आवासीय माध्यमिक विद्यालयका प्रिन्सिपल बालकृष्ण शर्मा, केन्द्रीय सदस्यमा न्यू ओएसिस एकेडेमीका प्रिन्सिपल नेत्रलाल न्यौपाने, गण्डकी प्रदेश उपाध्यक्षमा गुराँस विद्या सदनका प्रिन्सिपल निसान खडका, गण्डकी प्रदेशको सहसचिवमा सुरेन्द्र शाक्य र सदस्यमा आदर्श विद्यामन्दिरका प्रिन्सिपल भुपेन्द्र के.सी सर्वसम्मत रुपमा चयन भएका छन् ।
महाधिवेशनले राष्ट्रिय निजी तथा आवासीय विद्यालय एसोसिएसन नेपाल (नेसनल प्याब्सन) को अध्यक्षमा सुवाश न्यौपाने सर्वसम्मत रुपमा चयन हुनुभएको गण्डकी प्रदेश उपाध्यक्षमा विजयी गुराँस विद्या सदनका प्रिन्सिपल निसान खडकाले जानकारी दिनुभयो ।
