बागलुङ, ३ कार्तिक । बागलुङ जेसिजले युवाहरुलाई लक्षित गरेर (न्यूरो लिंगुइस्टिक प्रोग्रामिङ) एनएलपी तालिम संचालन गरेको छ ।
शनिबार बागलुङ जेसिजको आयोजनामा युवाहरुको लागि एक दिने एनएलपि तालिम सम्पन्न भएको हो । तालिमको अवसरमा बागलुङ जेसिज वर्ष २०२४ का अध्यक्ष गणेश महत्वले प्रकाशित गरेको एनएलपी सम्बन्धी म्यानल पुस्तक समेत विमोचन गरिएको थियो ।
पुस्तक विमोचन तथा तालिमको उद्घाटन पछि बोल्दै बागलुङ जेसिजका पूर्व अध्यक्ष सुरेशप्रसाद श्रेष्ठले जेसिजको उद्देश्य युवाहरुको नेतृत्व विकास रहेको र तालिमबाट नेतृत्व विकास गर्न सहयोग पुग्ने बताउनुभयो । उहाँले जेसिजको हालको नेतृत्वले युवाहरुलाई तालिमका साथै सामाजिक सेवाको कार्यक्रमहरु समेत संचालन गरेकोमा धन्यवाद ज्ञापन गर्नुभएको थियो । उद्घाटन सत्रमा बागलुङखबर डट कम अनलाईनका सम्पादक रामु जिसीले शुभकामना मन्तव्य व्यक्त गर्नुभएको थियो ।
तालिमको सहजिकरण बागलुङ जेसिजका अध्यक्ष महतोले गर्नुभएको थियो । तालिममा बागलुङका १६ जना युवाको सहभागिता रहेको थियो । तालिममा सहभागी भएकालाई प्रमाणपत्र पनि हस्तान्तरण गरिएको थियो ।
बागलुङ जेसिज वर्ष २०२४ का अध्यक्ष गणेश महतोको अध्यक्षतमा सम्पन्न तालिममा कोषाध्यक्ष प्रेम प्रसाद ढकालको स्वागत मन्तव्य र तालिम संयोजक सुशान्तकृष्ण श्रेष्ठको संचालनमा सम्पन्न भएको थियो ।
