काठमाडौं, ९ भाद्र। साफ यु–२० च्याम्पियनसिपको फाइनलमा प्रवेश गर्न आज घरेलु टोली नेपालले भुटानको सामना गर्दै छ ।
समूह ‘बी’ को अन्तिम खेलमा भारतले माल्दिभ्सलाई १।० ले पराजित गरेपछि नेपालले सेमिफाइनलमा भुटान प्रतिद्वन्द्वी पाएको हो।
नेपालले श्रीलंकालाई १–० र बंगलादेशलाई २–१ ले पराजित गर्दै ६ अंक जोड्दा बंगलादेशले भने श्रीलंकालाई २–० ले हराउन सफल भएको थियो । साबिक उपविजेता बंगलादेश समूह चरणमा तीन अंकमै खुम्चियो। अर्को टोली श्रीलंका भने अंकविहीन हुँदै घर फर्किसकेको छ।
समूह ‘बी’ मा ६ अंक जोड्दै भारत समूह विजेता बन्यो भने भुटान तीन अंकसहित समूह उपविजेता बन्यो। माल्दिभ्सले भने अंकविहीन रह्यो।
भारतले अब सेमिफाइनलमा साबिक उपविजेता बंगलादेशसँग प्रतिस्पर्धा गर्नेछ। अघिल्लो संस्करणमा बंगलादेशलाई पराजित गर्दै भारतले उपाधि जितेको थियोे।
सातदोबाटोस्थित एन्फा कम्प्लेक्समा हुने खेल अपरान्ह ३ बजे सुरु हुनेछ ।
