बागलुङ्, १७ असार । गुराँस विद्या सदनमा बालमैत्री विद्यालय शीर्षकमा निबन्ध लेखन प्रतियोगिता सम्पन्न भएको छ ।
बागलुङ नगरपालिका वडा नम्बर ३ को समन्वय र वडा बाल सञ्जालको आयोजनामा सोमबार भएको माध्यमिक तहस्तरीय निबन्धन लेखन प्रतियोगितामा बागलुङका पाँच विद्यालयका विद्यार्थीको सहभागिता रहेको थियो ।
प्रतियोगिताको उद्घाटन पछि बोल्दै बागलुङ नगर शिक्षा अधिकारी धन प्रसाद पोखरेलले बागलुङ नगरपालिकालाई बालमैत्री नगरपालिका घोषणा गर्ने तयारी गरिएकोले सम्पूर्णले सहयोग गर्नुपर्ने बताउनुभयो । उहाँले निबन्धन लेखन कार्यक्रमहरुले विद्यार्थीको क्षमता बढ्ने हुदाँ विद्यार्थीहरुले सहभागिता जनाउनुपर्ने जोड दिनुभएको थियो ।
प्रतियोगितामा कालिगण्डकी आवासीय माध्यमिक विद्यालयकी छात्रा संगम क्षेत्री प्रथम, गुराँस विद्या सदनका छात्र विराट पौडेल द्वितीय, आदर्श विद्यामन्दिर माध्यमिक विद्यालयका छात्र तृतीय र सनराईज आवासिय माध्यमिक विद्यालयकी छात्रा र कालिका कन्या माध्यमिक विद्यालयकी छात्राले सान्त्वना भएको निबन्ध लेखनका मूल्यांकन संयोजक रामु जिसीले जानकारी दिनुभयो ।
बागलुङ नगरपालिका वडा नम्बर ३ का वडा अध्यक्ष सनी केसी (लक्ष्मण)को अध्यक्षतामा सम्पन्न भएको कार्यक्रमको संचालन गुराँस विद्या सदनका शिक्षक विपिन थापाले गर्नुभएको थियो ।
