काठमाडौं, १४ चैत। कोशी, वाग्मती र गण्डकी प्रदेशका पहाडी भेगमा आगामी तीन दिनसम्म मेघगर्जन र चट्याङसहित हल्का वर्षाको सम्भावना रहेको जल तथा मौसम विज्ञान विभागको मौसम पूर्वानुमान महाशाखाले जनाएको छ ।
महाशाखाका अनुसार आजदेखि सुदूरपश्चिम र मध्यपश्चिमका पहाडी भूभागमा सामान्य वर्षाको सम्भावना रहेको छ ।
मौसमविद् सरोज पुडासैनीले विभिन्न प्रदेशका पहाडी भेगमा वर्षा र उच्च पहाडी तथा हिमाली भेगमा हिमपातको सम्भावना रहेको बताए ।
‘नेपालमा अहिले पश्चिमी वायु र स्थानीय वायुको प्रभाव रहेको र कोशी प्रदेशलगायत देशका पहाडी भू–भागमा आंशिक बदली रहेको छ’, उनले भने, ‘पहिले देशको पूर्वी भूभागमा पानी परे पनि ,पश्चिमी क्षेत्रमा पानी परेको छैन ।”
महाशाखाका अनुसार आगामी २४ गते कोशी, वाग्मती र गण्डकी प्रदेशका पहाडी भूभागका थोरै स्थानहरुमा र मधेस प्रदेशका एक–दुई स्थानमा र बाँकी पहाडी भू–भागका एक–दुई स्थानमा मेघगर्जन र चट्याङसहित हल्का वर्षाको सम्भावना रहेको छ ।
रासस
